Skrípaleikur stjórnarandstöðunnar á Alþingi

Grimmur slagur er nú háður á Alþingi af hálfu stjórnarandstöðunnar um það að koma ríkisstjórninni frá með málþófi gegn afgreiðslu ICESAVE málsins. Hvað meinar þetta fólk, heldur það virkilega að betra sé að einangra landið, koma því í þá stöðu að hvergi sé hægt að leita aðstoðar, skera á aðstoð Alþjóðagjaldeyrissjóðsins og lán frá öðrum löndum. Halda hér áfram að hygla þeim ríku á kostnað hinna snauðu. Verði ICESAVE málið fellt eða stöðvað með öðrum hætti, erum við að sigla inn í miklu dýpri kreppu en nú er. Mörgum þykir nú að nóg sé komið, en þetta er bara smjörþefurinn af því sem koma mun ef einangrun lands og þjóðar verður staðreynd.

Athugasemdir

[Sveinn hinn Ungi (IP-tala skráð) 3.12.2009 kl. 20:42]

Það er rétt, kreppan yrði miklu dýpri ef við náum ekki að semja um málið. Þetta fer fyrir dóm ella, og ríkið hefur tapað mörgum málum fyrir Evrópudómstólnum og EFTA-dómstólnum.

Ég held að þetta sé einhvers konar lýðskrum hjá þeim í stjórnarandstöðu. Þeir vita vel að það þarf að klára þetta, en ef þeir haga sér svona, þá geta þeir sagt eftirá: "sjáið til, þetta eru afleiðingarnar, við vorum á móti þessu."

[Hólmfríður Bjarnadóttir, 3.12.2009 kl. 21:48]

Þetta flokkast undir athyglissýki, atkvæðaveiðar á vitlausum tíma og aðgerðir til að tefja aðildarviðræður við ESB. LÍÚ og Hádegismóahöfðinginn eru með puttana á fjarstýringunni.

Þetta er svo alvarlegt mál að mér finnst það nálgast það sem sumir kalla landráð.

[Sveinn hinn Ungi (IP-tala skráð) 3.12.2009 kl. 22:24]

Ég hef verið að hugsa það sama. Þetta getur orðið afar slæmt fyrir okkur þannig að þetta orð kemur upp í hugann.