Misheppnuð kosning segir Gunnar Helgi

Ég er alls ekki sammála Gunnari Helga um að þessi kosning hafi verið misheppnuð. Við vorum að gera heimssögulega tilraun og þá er verið að prófa sig áfram með það hvaða form sé heppilegast. Ekki er þess heldur að vænta að allir séu ánægðir með þessa tilraun og það er líka bara allt í lagi.
Ég var afar glöð og stolt þar sem ég sat í mínum kjörbás á laugardaginn og færði samviskusamlega inn þær tölur sem ég hafði með mér á æfingaseðlinum. Ég hef fulla trú á að Stjórnlagaþingið semji okkur góða Stjórnarskrá og að Alþingi samþykki tillögu Stjórnlagaþingsins. Heimurinn er að fylgjast með okkur og það er líka svo nauðsynlegt.
Kjörsóknin kemur mér ekki svo mjög á óvart, fyrirvarinn var stuttur, kosningabaráttan mjög óvanaleg, engir listar, engir efstir eða neðstir, engar flokksvélar sýnilegar, ekki kosningaskrifstofur og svona mætti lengi telja.
Mér finnst í raun frábært að tæpur helmingur þess hlutfalls sem vanalega kýs til sveitastjórna og þings, skuli hafa drifið sig á kjörstað.
Til hamingju við öll með kosningarnar á laugardaginn. :)

Athugasemdir

[Úrsúla Jünemann, 29.11.2010 kl. 19:40]

Ef maður sér þetta þannig þá hefur þú rétt fyrir þér. Ég vona bara að afdankaðir og ónýtir þingmenn eins og Jónína Bjartmars komast ekki nálægt þessu.

[Hólmfríður Bjarnadóttir, 30.11.2010 kl. 00:16]

Ég passaði mig sérstaklega á þannig fólki við mitt val á seðilinn