Láglauna landið Ísland.

Laun á almenna markaðnum hafa um árabil miðast við kauptryggingu í fiskvinnslu, það er kauptaxtann sjálfan. Við hann hafa bæst bónusar í fiskinum, en aðrar greinar hafa mátt aðmestu sætta sig við strípaða taxtana. Aðeins hefur þó miðað fram á veginn síðustu árin eftir að ný launatafla tók gildi. Þá hafa einstök störf tosast upp töfluna á hraða snigilsins.
Það var reyndar bara sumstaðar á landinu sem taxtarnir voru notaðir eingöngu. Þar sem þenslan var, giltu þeir ekki. Það var talað um markaðslaun. Þau eru nú úr sögunni og landinn vinnur eftir þeim töxtum sem í boði eru. Hvað framtíðin ber í skauti sínu ræðst að mínu mati af því hvort verður af ESB inngöngu eða ekki. ESB er eina vonin okkar til að brjóta upp þau öfl sem stýra þessu láglaunasamfélagi og koma okkur í takt við umhverfið á svo margann hátt. Það gerist auðvitað ekki á einni nóttu, en það gerist.

Athugasemdir

[Valgeir Matthías Pálsson (IP-tala skráð) 3.1.2010 kl. 21:03]

Og hverjum er það að kenna að á Íslandi séu svona lág laun? Ég bara spyr? Ekki held ég að flokkurinn sem ég kaus m.a. Þ.e. Samfylkingin hafi stuðlað að bættum kjörum þeirra lægst launuðustu. Það held ég nú bara ekki.

En hafðu það sem best vinur og gangi þér vel.