Bókalestur um jólin

Fékk Svörtu loft eftir Arnald Indriðason í jólagjöf. Bækur Arnalds eru orðnar partur af mínu jólahaldi og sá siður hefur líka auðveldað syni mínum valið á jólagjöfinni til mömmu. Svörtu loft er mögnuð bók eins og fyrri bækur höfundar og ég naut þess virkilega að lesa hana.

Ég fór í bókasafnið rétt fyrir jólin til að ná í eitthvað að lesa og þar varð fyrir valinu bókin Sofandi að feigðarósi. Sú bók er að því leiti ólík Svörtu loftum, að vera ekki skáldsaga, heldur  bók sem byggð er á viðtölum við fólk sem var í miðju atburðanna þegar Ísland hrundi.

Báðar koma þessar bækur lesandanum á óvart á margann hátt. Svörtu loftin spennandi skáldsaga um glæpamál í samtímanum skrifuð af einum færasta glæpasagnahöfundi sem við eigum. Sofandi að feigðarósi er frásögn af glæpsamlegum atburðum sem raunverulega gerðust í okkar samtíma. Þar virðist einn maður hafa ruðst um fjármálakerfið okkar, með miklum bægslagangi, lítilli tillitsemi og enn minni þekkingu. Þegar ég verð búin að lesa þá bók til enda, mun ég fjalla um mína sýn á bókina og innihald hennar.

Athugasemdir

[Valgeir Matthías Pálsson (IP-tala skráð) 1.1.2010 kl. 20:54]

Sæl Hólmfríður.

Gleðilegt nýtt ár og takk fyrir það gamla.

Eigðu gott ár framundan og já þær eru margar góðar bækurnar.

Vinar kveðja.

Valgeir.