Jólakveðjur til lesenda minna.

22.12.2009 | 22:23

Óska öllum lesendum síðunnar minnar, innilega gleðilegra jóla og þakka fyrir skemmtileg og skörp skoðanaskipti á árinu. Verum endilega dugleg að skrifa hvert hjá öðru á komandi ári.

Til umhugsunar fyrir ykkur sem búið í frekar ópersónulegu fjöldasamfélagi.

Ég fór í Kaupfélagið mitt á Hvammstanga bæði í gær og dag. Hitt fullt af fólki sem ég þekki. Þarna voru ömmur og afar með afkomendur sem komnir voru um langan veg til að eiga jólafrí með stórfjölskyldunni. Svo aðrir með barnabörnin sín sem búa á næsta bæ eða svo. Brosin á andlitunum sögðu svo margt, svo var bara næsta manneskja föðmuð með jólaóskum. Ég fann svo mikið fyrir náunga kærleikanum og því að fjölskyldan skipti öllu máli. Jólin lágu í loftinu en stressið var fjarri. Notalegar búðarferðir sem eru forréttindi okkar sem búum í minni samfélögunum.

Eigum öll notalega hátíð saman.

Flokkur: Stjórnmál og samfélag | Facebook

Athugasemdir

Innilegar jólakveðjur til þín elsku Hólmfríður mín. Eigðu góða og gleðiríka jóla hátið framundan. Þetta verða góð jól hjá okkur. Bestu óskir til þín um að svo verði. Bestu jólakveðjur til þín og njóttu þess að vera til.

Gleðileg jól.

Valgeir Matthías Pálsson (IP-tala skráð) 22.12.2009 kl. 22:26

Gleðileg jól, Fríða. Það er alveg rétt hjá þér að náungakærleikurinn er svo sannarlega til staðar á landinu okkar og ekki síst á stöðum eins og Hvammstanga. Þar á bæ, bæði í þorpinu og sveitunum í kring, eru sko margar perlurnar.

Jón Halldór Guðmundsson, 22.12.2009 kl. 23:14

Jólakveðjur til þín líka. Hafðu það sem best yfir jólin Hólmfríður

hilmar jónsson, 22.12.2009 kl. 23:20

Gleðileg jól Hólmfríður mín og megir þú njóta komandi hátíðisdaga á sem bestan máta.

Jónína Þorbjörg Gunnarsdóttir (IP-tala skráð) 23.12.2009 kl. 10:30

Gleðileg jól og gifturíka framtíð óska ég þér Fríða.

Heimir Lárusson Fjeldsted, 23.12.2009 kl. 14:15

Gleðileg jól.

Sveinn hinn Ungi (IP-tala skráð) 24.12.2009 kl. 16:04

Bestu jóla- og nýárskveðjur til þín og þinna. Þakka samskiptin á líðandi ári.

Axel Jóhann Hallgrímsson, 26.12.2009 kl. 13:48

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Höfundur

Hólmfríður Bjarnadóttir

Höfðagötu 1 531 Hvamms-tanga.

Fædd 1945 og er Húnvetningur í báðar ættir. Fædd steingeit og mikið fyrir að príla eins og geitum er tamt. Á ekki lengur ferðaþjónustuna, en aðrir tóku við keflinu í vor. Í haust fékk fyrirtæki þeirra, Selasigling ehf viðurkennigu frá Ferðamannastofu sem frumlegasta nýjungin í ferðaþjónustu á Norðurlandi vestra. Ég er stolt og glöð með þessa viðurkenningu, fyrir hönd okkar hjóna og þeirra sem héldu frumkvöðlastafinu áfram. Er núna að hanna og prjóna pils úr lettlopa sem á að selja ferðamönnum. Ég er gift Sævari Jónatanssyni, við eigum 4 börn og 8 barnabörn.