Gott að ICESAVE málið er afgreitt.

Nú er hægt að snúa sér að öðrum málum eins og skuldum heimilanna og mörgu fleiru. Stjórnarandstaðan á örugglega eftir að blása sig út vegna aðgerðaleysis stjórnvalda í þeim málum sem næst verður fjallað um á næstu vikum. Ég mundi biðja þá ágætu þingmenn að líta í eigin barm og telja allar þær vikur sem þeir hafa tafið ICESAVE og skoða hvað hefði mátt gera á þeim tíma. Svo er hluti þingmanna bæði með og á móti. Samþykkja fyrirvarna en ekki málið í heild.

Athugasemdir

[Valgeir Matthías Pálsson (IP-tala skráð) 29.8.2009 kl. 18:10]

Mér finnst nú bara ekkert vit í því að þessi samningur hafi verið samþykktur á þingi. Föstudagurinn 28.08.09 er og verður bara ömurlegasti dagur íslands sögunnar.

Ég mun ekki kjósa Samfylkinguna í næstu kosningum. Það er alveg á hreinu.

[Hólmfríður Bjarnadóttir, 29.8.2009 kl. 23:02]

Þarna ert þú að hengja bakara fyrir smið. Það var ekki Samfylkingin sem kom á því umhverfi á fjármálamarkaði sem leiddi til hrunsins og ICESAVE skuldanna.

[Snjólaug A. Sigurfinnsdóttir, 30.8.2009 kl. 12:40]

Hehehehehehheeh saklausa samfylkingin puffffffffff

[Hólmfríður Bjarnadóttir, 30.8.2009 kl. 16:31]

Samfylkingin tekur nú ábyrgð á og leitar lausna á þeim gríðarlega vanda sem þjóðin stendur frammi fyrir. Það hefur kannski farið fram hjá þér Snjólaug að grunnurinn að þeirri peningamálastefnu sem leiddi okkur á þær slóðir sem við erum á í dag, var lagður af ríkisstjórnartíð Sjálfstæðis- og Framsóknarflokks. Þeir sömu flokkar hafa verið við völd hér, annar eða báðir, meira og minna frá Lýðveldisstofnun. Samfylkingin sat að sjálfsögðu í þeirri ríkisstjórn sem var við völd þegar hrunið átti sér stað. Það má auðvitað segja að hún sem minni flokkurinn í ríkisstjórn, hefði getað gert stóra hluti í að bjarga bönkunum frá falli. Sú óskhyggja er reyndar mjög fjarri lagi og sannast best á því hvernig Sjálfstæðisflokkurinn þverskallaðist við þeim aðgerðum sem Samfylkingin vildi grípa til strax eftir hrum. Og enn  er Íhaldið að tefja, reka ýktan áróður og reyna allt til að koma hreinsunaröflunum frá völdum.

Við sitjum uppi með orðinn hlut í fjármálakerfinu og nú mundi ég halda að allir vildu standa saman að því erfiða endurreisnarstarfi sem hafið er. Sá hávaði sem er í forystu Íhalds og Framsóknar nú um þessar mundir, er fyrst og fremst hugsaður til að dreifa athyglinni frá mistökum þessara flokka og þeim gríðarlegu hagsmunatengslum sem liggja frá atvinnulífinu og inn í þessa tvo flokka.