3.4.2009 | 13:29
Afleiðingar gjaldeyrishafta verða lökustu lífskjör í Evrópu
Þessa nöturlegu setningu sagði Margeir Pétursson í Markaðnum hjá Birni Inga í gærkvöldi. Og staðreyndin er því miður sú að mínu mati að þetta mat MP er ekki hrakspá, heldur einfaldlega bláköld staðreynd. Þó okkur vegni vel í augnablikinu, er framtíðin kolsvört, ef ekki verið leitað allra leiða til að halda viðskiptasamböndum opnum.
Það er óskaplega erfitt að útskýra fyrir ungu fólki nú á tímum hvað verið er að tala um. Ég á til dæmis í fórum mínum nótur fyrir byggingarefni í hús frá 1947 til 48. Þá varð að sækja um innfluttningaleyfi fyrir ÖLLU, nöglum, skrúfum, timbri, málningu, þakpappa, þakjárni og hverju sem var. Og það var ekki hægt að velja viðartegund, og ekki nú aldeilis. Það var flutt inn ódýrt timbur sem fólk gat fengið og annað ekki.
Svo var úthlutað vissu magni af vörum á hvern einstakling og gefnir út skömmtunarseðlar. Varð að afhenda þannig seðil þegar keypt var einhver vara sem var innflutt. Fataefni var mjög vandfengið og annað eftir því. Andstæðingar þess að sækja um aðild að ESB ættu endilega að taka það gleðilega verkefni að sér að kynna þessa framtíðarsýn sem víðast.
Flokkur: Stjórnmál og samfélag | Breytt s.d. kl. 13:32 | Facebook
Um bloggið
219 dagar til jóla
Færsluflokkar
Heimsóknir
Flettingar
- Í dag (19.5.): 1
- Sl. sólarhring: 9
- Sl. viku: 31
- Frá upphafi: 110321
Annað
- Innlit í dag: 1
- Innlit sl. viku: 31
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Athugasemdir
Meðan krónan og ESB snúast um trúarbrögð þá er ég hræddur um að Margeir hafi lög að mæla. Ef þetta er það sem þjóðin vill þá veskú
Finnur Bárðarson, 3.4.2009 kl. 13:59
Ég er ekki tilbúin og mun flytja af landinu ef þetta verður veruleikinn, það er alveg á hreinu. Ég tek ekki þátt í "hetjuleik" Bjarts í Sumarhúsum og félaga hans, takk fyrir
Hólmfríður Bjarnadóttir, 3.4.2009 kl. 16:10
Mér finnst bara fáránlegt afhverju við göngum ekki í ESB og tökum jafnframt upp Evruna sem gjaldmiðil. Þetta eru mál sem við þurfum að ráðst í en það er ekkert gert. Mér finnst þetta bara fáránlegt, afhverju ekki er dryfið ín þessu.
Takk fyrir góða pistla og útskýringar.
Valgeir Matthías Pálsson (IP-tala skráð) 3.4.2009 kl. 19:42
Það er eitt af stóru verkefnunum eftir kosningar að sækja um aðild og kanna möguleika okkar þar. Valgeri, þú ert kominn á gott skrið.
Hólmfríður Bjarnadóttir, 3.4.2009 kl. 21:45
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.