Jökulhlaup hugans - Nýtt Lýðveldi

Næsta sunnudag eru 4 vikur frá því Njörður P Njarðvík kom í Silfri Egils og kynnti sínar hugmyndir um Nýtt lýðveldi á Íslandi. Þessi flekklausi prúði fræðimaður og mannvinur sagði í fáum orðum frá þeim leiðum sem hann telur bestar. Kjósa til Stjórnlagaþings sem endurskoði stjórnarskrá og kosningalög. Egill Helgason sagði fátt, en glampinn í augunum túlkaði vel hans viðhorf.

Seinna um daginn var bloggið orðið logandi, allir hrifust af hugmyndun Njarðar. Ellefu dögum síðar opnaði netsíða þar sem kjósendur geta skrifað undir áskorun til stjórnvalda að hrinda hugmyndum Njarðar í framkvæmd. Núna, 2 vikum seinna eru 6.855 nöfn komin undir þessa áskorun.

Verið er að undirbúa framboð (eftir því sem ég best veit) Lýðveldibyltingin kallast sá hópur.

Málið er komið í stjórnarsáttmála nýrrar ríkisstjórnar, gera á ákveðnar breytingar fyrir kosningar og frumvarp væntanlegt um málið. Í Kastljósinu í kvöld fór Björg Thoroddsen lögfræðingur yfir málið, en hún er að vinna í því.

Þvílík undur og stórmerki eru að gerast á Íslandi núna. Það má í raun líkja áhuga og framkvæmdum við þetta mál, við hugarfarslegt jökulhlaup. Áhuginn, eldmóðurinn, orkan og bjartsýnin sem brýst nú fram er með slíkum ólíkindum að ég leyfi mér að kalla það KRAFTAVERK.

Athugasemdir

[hilmar jónsson, 5.2.2009 kl. 22:45]

Allt er hægt ef fólk gerir kröfur og sýnir samstöðu.

[Hólmfríður Bjarnadóttir, 5.2.2009 kl. 23:47]

Þetta er miklu meira, þetta er viðsnúningur sem mér finnst alveg einstakur. Stjórnin hennar Jóhönnu er líka einstök og hún til komin vegna kröfu frá þjóðinni sem fylgt var eftir með pottaslætti. Krafan um nýja stjórnarskrá kom bara og allt fór á fullt.

[Valgeir Matthías Pálsson (IP-tala skráð) 6.2.2009 kl. 16:27]

Mér líst vel á þetta hjá honum. Hann stendur sig vel. Hafðu það rosalega gott Hólmfríður mín. Þú ert að gera góða hluti.

Með bestu kveðju.

Valgeir.