Merkisatburður - góður dagur. - fridabjarna.blog.is

Merkisatburður - góður dagur.

Um bloggið

Höfundur

Athugasemdir

Bæta við athugasemd [Innskráning]

2.2.2009 | 00:24

Góður dagur er að kvöldi og miklir atburður átt sér stað í dag.

Heimastjórnin 105 ára.
Fyrsta íslenska konan orðin forsætisráðherra.
Þriðja ríkistjórn í heiminum með jafnt kynjahlutfall.
Frjálshyggjan flutt úr Stjórnarráðinu.

Næstu dagar og vikur verða tími mikilla breytinga á Íslandi, breytinga sem verða til hagsbóta fyrir hinn almenna íslending. Fólk eins og þig og mig sem ekki erum í hlutabréfa eða kvótabraski. Fólk sem ekki er á ofurlaunum eða undir væng vina og frænda í "réttum" flokki.

Ég er glöð fyrir hönd okkar allra, um leið og ég finn til samúðar með þeim sem hafa flækt sig í margskonar netum spillingar, í fjármálum, vinaráðningum, fyrirgreiðslupólitík áranna og fleiru sem ég hef kannski ekki hugarflug til að láta mér detta í hug.

Nú ætla ég að horfa fram og vera með í að byggja upp nýtt þjóðfélag. Þetta stóra gjaldþrot okkar allra er kannski ekki svo slæmt eftir allt saman. Við fáum tækifæri til að skapa nýtt upphaf, nýtt lýðveldi og við skulum öll einbeita okkur að því.

Rannsóknarnefndirnar sjá um fortíðina og ég treysti því alveg að það verði vel gert. Ég ætla ekki að eyða orkunni í reiði, það er svo margt annað við hana að gera núna.

Minni á www.nyttlydveldi.is

Flokkur: Stjórnmál og samfélag | Facebook

Sæl Hólmfríður mín.

Já merkis dagur í dag. Það má sko með sanni segja. Það er ekkert flóknara en það.

Ég vona að þú eigir góðan dag framundan og njóttu hans nú vel.

Með bestu kveðju og knús.

Valgeir Matthías Pálsson (IP-tala skráð) 2.2.2009 kl. 10:34

Já við skulum vona að nú verði allt gott Hólmfríður mín.

Annars er þetta allt saman stórmerkilegt að tími Jóhönnu sé loksins kominn og að hún sé fyrsti kvenráðherrann og jafnvægið í ríkisstjórninni á milli kvenna og karla.

Það er nú svo skrítið að mig dreymi skemmtilega drauma um þessa atburði eða hvernig stjórnin myndi springa og svo góða veðrið á eftir hvað sem það á eftir að standa lengi. Ég kaus vinstri græna síðast þannig að ég má vera ánægð þó ég hefði viljað sjá minn mann í samgönguráðuneytinu, en hans tími mun kannski koma síðar.

Kærleikskveðjur til þín.

Jónína Þorbjörg Gunnarsdóttir (IP-tala skráð) 2.2.2009 kl. 12:08

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Apríl 2024

Hólmfríður Bjarnadóttir

Höfðagötu 1 531 Hvamms-tanga.

Fædd 1945 og er Húnvetningur í báðar ættir. Fædd steingeit og mikið fyrir að príla eins og geitum er tamt. Á ekki lengur ferðaþjónustuna, en aðrir tóku við keflinu í vor. Í haust fékk fyrirtæki þeirra, Selasigling ehf viðurkennigu frá Ferðamannastofu sem frumlegasta nýjungin í ferðaþjónustu á Norðurlandi vestra. Ég er stolt og glöð með þessa viðurkenningu, fyrir hönd okkar hjóna og þeirra sem héldu frumkvöðlastafinu áfram. Er núna að hanna og prjóna pils úr lettlopa sem á að selja ferðamönnum. Ég er gift Sævari Jónatanssyni, við eigum 4 börn og 8 barnabörn.