Sunnudagskvöld fyrir 15 árum

27.10.2010 | 01:09

Það er sunnudagskvöld og ég átti kvöldvakt á Sjúkrahúinu á Hvammstanga, klukkan er tæplega 9. Flestir heimilsmenn komnir í ró, ég skepp í eldhúið til að ná í kaffisopa fyrir hjúkkuna. Er í dyrunum á vaktherberginu þegar neyðarsíminn hringir. Raflostið fyllir herbergið - rúta valt í Hrútafirðinum.

Kalla þarf út lækna, hjúkrunarfólk, björgunarsveitir og almannavarnanefnd. Finna til sængur, teppi og hjúkrunarvörur. Héraðslæknirinn mætir og gefur fyrirmæli, við horfumst í augu augnablik. Ég sé óttann og ábyrgðina.

Hratt er unnið, kvöldið, nóttina og næstu daga. Áfallateymi að sunnan kemur og vinnur með okkur á miðvikudag og hyggst halda áfram daginn eftir. Morgunfréttir fimmtudag, SNÓFLÓÐ Á FLATEYRI - FÓLK GRAFIÐ Í RÚSTUM HÚSA. Okkur fallast hendur - hvað erum við að kvarta. Áfallateymið pakkar saman - þess býður risavaxið verkefni - heilt byggðarlag.

Hjúkkan drakk aldrei kaffið - því var hellt á mánudeginum.

Flokkur: Stjórnmál og samfélag | Breytt s.d. kl. 01:12 | Facebook

Athugasemdir

Já allir muna hvar þeir voru,þegar voveiflegir atburðir áttu sér stað. Ég hafði safnað í 2ár fyrir ferð til Newcastle,með SÍS vinnufélögum,það setti að okkur óhug,fannst við þyrftum að drífa okkur heim,þótt engu gætum breytt. Við fáum sannarlega að kenna á því að búa í harðbýlu landi. En ég ætla að sækja systurdætur mínar á Hvammstanga heim bráðlega,halda upp á afmæli karlsins pabba þeirra Einars Jónssonar. Alltaf notalegt að koma á Hvammstanga.

Helga Kristjánsdóttir, 27.10.2010 kl. 01:51

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Höfundur

Hólmfríður Bjarnadóttir

Höfðagötu 1 531 Hvamms-tanga.

Fædd 1945 og er Húnvetningur í báðar ættir. Fædd steingeit og mikið fyrir að príla eins og geitum er tamt. Á ekki lengur ferðaþjónustuna, en aðrir tóku við keflinu í vor. Í haust fékk fyrirtæki þeirra, Selasigling ehf viðurkennigu frá Ferðamannastofu sem frumlegasta nýjungin í ferðaþjónustu á Norðurlandi vestra. Ég er stolt og glöð með þessa viðurkenningu, fyrir hönd okkar hjóna og þeirra sem héldu frumkvöðlastafinu áfram. Er núna að hanna og prjóna pils úr lettlopa sem á að selja ferðamönnum. Ég er gift Sævari Jónatanssyni, við eigum 4 börn og 8 barnabörn.

S	M	Þ	M	F	F	L
Júlí 2025
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31