Viðbrögð forsetans við rannsóknarskýrslunni gagnrýnd harkalega.

Ólafur Ragnar Grímsson forseti vor hefur farið mikinn yfir umfjöllun um sig í Rannsóknarskýrslunni og þá sérstaklega siðfræðihlutann. Hann virðist trúa því að með stóryrtu orðskrúði geti hann enn einu sinni valtað yfir álit annar á sér og sínum gjörðum.

Núna er hann samt að deila við algjöran ofjarl sinn, eða Rannsóknarnefndina í heild sinni. Það er eins og hann átti sig ekki á því gríðarlega vægi sem skýrslan hefur í hugum þjóðarinnar. Hann virðist hafa misst flugið og tekið í rangt handfang til að hækka það að nýju. Einhver líkti honum við Davíð Oddsson og slík samlíking er vart til vinsælda fallin á Íslandi í dag.

Athugasemdir

[Jón Kr. Óskarsson (IP-tala skráð) 17.4.2010 kl. 11:28]

Forsetinn er gjörsamlega búinn að niðurlægja embættið að hann á að segja af sér strax.......Hann er sér og þjóð sinni til skammar.....það vita allir sem vilja vita að hann hefur orðið sér til mikillar skammar og niðurlægt forsetaembættið.....

[Hólmfríður Bjarnadóttir, 17.4.2010 kl. 12:57]

Vinsældavogin er ekki mjög haldgóður mælikvarði fyrir Bessastaðabóndann sem stendur. Ef það er virkilega sú vog sem stýrir gjörðum hans þá gæti afsögn verið næsti leikur, hver veit.