Rannsóknarskýrslunni seinkar enn - Bjarni Ben hlakkar til að takast á við niðurstöðurnar

Engan hef ég heyrt segja það að hann hlakkaði til að takast á við niðurstöður rannsóknar skýrslunnar, utan formann Sjálfstæðisflokksins Bjarna Benediktsson. Eitthvað fannst mér holur hljómur í þessari yfirlýsingu Bjarna nú í kvöldfréttunum. Held reyndar að hann hefði ekki átt að láta sér detta í hug að segja þetta, þó móarnir hafi hvíslað þessu að honum. Það er alls ekkert fagnaðarefni sem í henni stendur og ekki við því að búast.

Það var afar brýnt að hefja þessa rannsókn á sínum tíma og rétt hjá BB að nefna sinn flokk sem aðila að þeirri ákvörðun. Það á hver það sem hann á. Ég hlakka ekki til að sjá skýrsluna, en býst þó við að ég þrælist í gegnum hana til fróðleiks, en ekki skemmtunar.

Athugasemdir

[Axel Jóhann Hallgrímsson, 27.2.2010 kl. 02:52]

Það er undarlegt að einhvern hlakki til skýrslunnar, hvað þá formanns helsta hrunaflokksins, nema viðkomandi viti að skýrslan taki ekki á einu né neinu.

[Hólmfríður Bjarnadóttir, 27.2.2010 kl. 03:43]

Hann segist hlakka til að takast á við það verkefni og á þá trúlega viðþað að verja allann pakkann frá Íhaldinu. Trúlegt eða hitt þó heldur.