Frestun framkvæmda hjá Verne Holding - í boði forseta Íslands

Þessar fréttir af frestun framkvæmda við gagnaver Verne Holding á Reykjanesi er aðeins forsmekkur af því sem koma skal. Þarna er frestun á staðfestingu ICESAVE laganna að orsaka töf, þar sem fjárfestingarsamningur vegna verksins liggur óafgreiddur á Alþingi. Þau handarbakavinnubrögð Ólafs Ragnars Grímssonar að skrifa ekki undir í gær, eru strax í dag orðin þess valdandi að fjöldi manns er að missa vinnu sína um óákveðinn tíma. Það er líka kaldhæðnislegt fyrir Árna Sigfússon sem mikið hefur talað um og þrýst á fleiri störf í því bæjarfélagi sem hann stýrir, að það skuli vera flokksbróðir hans í Hádegismóunum sem fjarstýrir þessum skelfilegu atburðum.

Framkvæmdir við gagnaver stöðvaðar

Athugasemdir

[Rúnar Þór Þórarinsson, 6.1.2010 kl. 15:47]

Come on... kemur málinu ekkert við. Þú hlýtur að geta rifjað upp nýlegt ferli sem þetta mál er lent í.

[Arnór Baldvinsson, 6.1.2010 kl. 17:14]

Sæl Hólmfríður,

Stöðvun vinnu var framkvæmd áður en Ólafur skýrði frá því að skrifa ekki undir lögin.  Þar sem hann sat svo vel á ákvörðun sinni að ekki einu sinni ríkisstjórnin hafði veður af henni finnst mér ólíklegt að Verne Holding hafi vitað um hana fyrirfram:)

Kveðja,

[Axel Þór Kolbeinsson, 6.1.2010 kl. 21:39]

Bíða eftir fjárfestingasamningi.

Anda með nefinu.

[Hólmfríður Bjarnadóttir, 7.1.2010 kl. 00:22]

Þegar mál eru sett í slíkt uppnám eins og gert var hér í gær, er eðlilegt að svo stórt verk sé stöðvað. Atburðir gærdagsins geta í versta falli þýtt lokun lánalína erlendis frá og það vita forsvarsmenn VH mjög vel. Ég tel einsýnt að dráttur Ólafs á undirskrift og síðan hans ákvörðum séu þess valdandi að þetta verk stöðvaðist. Takk fyrir innleggið Arnór um tímasetninguna

ICESAVE málið hefur tafið störf Alþingis gríðarlega, en samkvæmt fréttum frá Iðnaðarráðherra í dag hefur málið farið í gegnum 1. umræðu. Enn og aftur, ég er þess fullviss að atburðir gærdagsins hafa sett þetta mál í mikið uppnám.