Styrmir og Jón Baldvin um ESB

Hlustaði á þá Styrmi og Jón Baldvin takast á um ESB. Þar var svo sem ekki margt nýtt að finna. Styrmir talaði um þá samsæriskenningu að svokallaðar vinaþjóðir hefðu sótt fast að íslendingum á fjármálasviðinu og hrakið okkur í fang Alþjóðagjaldeyrissjóðsins. Jón Baldvin hrakti þá kenningu Styrmi og hvað okkur hafa komið okkur í þessa stöðu sem nú er uppi, ásamt því að fyrri ríkisstjórn hefði lofað að greiða ICESAVE eins og allir vita sem hafa augun opin.

Styrmir kom þá með klisjuna um auðlindaafsalið sem Heimsýnarfólk stagast á æ ofan í æ. Jón hvað allt slíkt tal rangt og vitnaði í okkar staðbundnu fiskistofna ásamt auðlindum annarra þjóða sem eru í þeirra umsjá og undir þeirra yfirráðum. Þegar hér var komið sögu fannst mér nóg komið og hvarf til annarra starfa.

Athugasemdir

[Kama Sutra, 1.12.2009 kl. 03:27]

Ég segi það með þér - ég hvarf líka til annarra starfa á svipuðum tímapunkti í leðjuslagnum.

Þessi íslenski skotgrafahernaður er orðinn ákaflega þreyttur og fyrirsjáanlegur.  Ég skil ekkert í honum Agli að hafa ekki meira hugmyndaflug en þetta fyrir efni í þáttinn sinn.

Eða er þetta virkilega það sem þjóðin vill hlusta á núna?  Erum við bara svona afbrigðilegar að kunna ekki að meta þessa "skemmtun" sem allir eru að hæla í hástert núna?

Fyrirsjáanlegar skotgrafir - með gamalkunnum, fyrirsjáanlegum karakterum.

[Valgeir Matthías Pálsson (IP-tala skráð) 1.12.2009 kl. 14:24]

Þetta var flott hjá þeim í Silfri Egils. Ég vil Jón Baldvin aftur í pólitíkina. Ekki það að ég sé á hans línu. Bara það myndi lyfta aðeins móralnum á þinginu.