Komin með nýja hjásvæfu samkvæmt læknisráði.

Ég er aldeilis glöð og hress með þetta læknisráð. Fór til höfuðborgarinnar, lagðist inn á LSP í Fossvogi og kom til baka með þessa flottu græju sem hjálpar mér að anda þegar ég sef. Jú, jú mikið rétt ég er með kæfisvefn og vissi ekki af því fyrr en í þar síðustu viku. Þá komst ég að þeim napra sannleika að ég fór í að meðaltali 50 öndunarstopp á klukkustund þegar ég svaf. Býsna mikið sagði starfsfólkið á svefnrannsóknardeildinni, sem kallar þó ekki allt ömmu sína. Ég hef verið að verða meiri og meir drusla með hverju árinu núna undanfarið, getað sofið og sofið en samt svooo þreytt. En nú fer ég að sprækast með hverjum deginum, er mér sagt og hlakka mikið til.

Athugasemdir

[Valgeir Matthías Pálsson (IP-tala skráð) 10.9.2009 kl. 19:57]

Gangi þér rosalega vel Hólmfríður mín með græjuna. Ég vona að allt gangi vel hjá þér. Þú getur þetta elsku Hólmfríður mín. Það er engin spurning. Þú stendur þig.

Gangi þér vel vinur og haltu áfram að gera góða hluti.

[Hólmfríður Bjarnadóttir, 10.9.2009 kl. 20:31]

Takk takk Valgeir minn, ég er strax farin að hessast og mér er sagt að þetta sé alveg nýtt líf sem er frábært