Málflutningur Joly gagnrýndur

Eva Joly þykir nokkuð aðsópsmikil í sínum tillögum um rannsókn á íslenska fjármálakerfinu. Fólk er ekki vant því hér að mál séu skoðuð af slíkri einurð sem hún boðar. Aðstæður eru samt þannig að nú er eðlilegt að leggjast í eina allsherjar naflaskoðun. Það merkir ekki að allir sem stundað hafa viðskipti, hafi framið refsiverð afbrot.

Ég lít svo á að nú sé rétti tíminn til að fara vel yfir alla þessa þætti og skoða vandlega hvað fór úrskeiðis, án þess að flokka vini og vandamenn frá fyrst og kíkja svo á yfirborðið hjá hinum. Þessi skoðun byggist ekki aðeins á því að ná til þeirra sem fóru rangt að, heldur einnig að finna þá veiku pósta sem svo sannarlega eru í því viðskiptamódeli sem notað var.

Hvers vegna eru flestur sem andmæla Evu karlkyns? Ekki hef ég neitt tæmandi svar við því, en tel þó að það byggist að hluta á þeirri staðreynd að viðskiptahugsun karla sé aðeins öðruvísi en kvenna. Konur taka meira undir með Evu og vilja láta skoða málin til hlítar.

Það sama á við um stjórnunarstíl ríkisstjórna Íslands. Það skiptir máli hvort það er karl eða kona í brúnni. Karlinn (GH) var ekki tilbúinn að hreinsa út þar sem krafist var, en konan (JS) tók til hendinni og hefur frá upphafi valdatímans verið í tiltekt sem raunar er aðeins rétt hafin.

Þeir sem eru hræddir við skordýr og pöddur, eru ekki mjög spenntir fyrir að grafa í gömlum skítahaugum, lyktin getur líka verið nokkuð slæm eins og gengur. Það er nauðsynlegt að stinga upp garðinn svo hægt að sá og fá nýja góða uppskeru. Þá er gott að eiga gamlan skítahaug til íblöndunar við hinn frjóa jarðveg garðsins, en til að nýta skítahauginn verður að grafa og grafa, svo einfalt er það.

 

Málflutningur Joly gagnrýndur

Athugasemdir

[Sigurður Þórðarson, 13.6.2009 kl. 13:54]

Kannski að maður ætti að skoða á milli fóta lögmanna sem tjá sig um málið?

[Valgeir Matthías Pálsson (IP-tala skráð) 13.6.2009 kl. 13:55]

Ég held bara hreint út sagt að það verði engin rannsókn gerð á Íslenska fjármálakerfinU! Afhverju held ég það? Það er vegna þess að við Íslendingar þykjumst alltaf vita meira og betur en allir aðrir sem koma okkur til hjálpar eða aðstoða okkur.

Afhverju er verið að gera Evu Joly tortryggilega. Hún er bara að segja það sem þarf að gera hér á Íslandi. Það er ekkert annað um það að segja.

[Hólmfríður Bjarnadóttir, 14.6.2009 kl. 01:55]

Ágæti Sigurður

Ég held aðklofskoðun sé ekki nauðsynleg enda eru það trúlega heilasellurnar sem ráða viðhorfum frekar en kynfærin. Karlar hafa líka verið mun stórtækari í peningaplottinu og eru þá bara að verja sín vígi.

Valgeir

Ég er mun bjartsýnni en þú og ég er viss um að rannsókn fer fram og hún er reyndar hafin. Nú verður ekki aftur snúið og Eva er búin að kveikja upp í rannsóknarmaskínunni.