Kostnaður við Stjórnlagaþing

Ég mundi ekki hafa áhyggjur af reikningskúnstum Íhaldsins varðandi stjórnlagaþingið. Auðvitað er það ekki ókeypis frekar en annað, en til að rétta af lýðræðiskúrsinn á Íslandi er ekki hjá því komist að fara í þetta verk. Ráðherraræðið er svo gríðarlegt að það er bara með ólíkindum. Hugsa sér að einn maður hafi vald til að ákvarða fiskveiðiheimildir fyrir heilt ár. Sú ákvörðun fer ekki til umræðu og atkvæðagreiðslu á Alþingi áður en veiðiheimildir eru gefnar út hverju sinni. Að slíkt vald sé falið einum manni er með ólíkindum. Hann talar um ráðleggingar vísindamanna og mikilvægi þess að vernda fiskistofnana og allt það. Alþingi tekur ekki þessa ákvörðun, heldur ráðherra og hann hefur til þess fulla heimild. Svona er lýðræðið á Íslandi í dag.

www.nyttlydveldi.is

 

Athugasemdir

[Jakob Falur Kristinsson, 16.3.2009 kl. 18:08]

Stjórnlagaþingið mun hafa þau áhrif að lýðræðið verður meira á Íslandi og ráðherravald minnkar.  Það er þetta sem Sjálfstæðisflokkurinn óttast en ekki kostnaðurinn við Stjórnlagaþingið.  En þeir geta andað rólega, því litlar líkur eru til þess að þeir fari í ríkisstjórn á næstunni.

[Hólmfríður Bjarnadóttir, 16.3.2009 kl. 18:14]

Alveg rétt, þeir nota alla útúrkróka til að tefja þetta mál því þeir vita mætavel að valdahlutföllin munu breytast svo mjög við endurskoðun stjórnarskrár. Það sem við höfum í dag er sambærilegt við völd Danakonungs um 1870 eða svo. Þar er verið að tala um ráðherravaldið og svo er margt annað sem mun breytast. Við skulum ekki treysta neinu með Íhaldið fyrr en búið er að mynda stjórn eftir kosningar.

[Valgeir Matthías Pálsson (IP-tala skráð) 16.3.2009 kl. 19:22]

Já þú segir það Hólmfríður.

Ég myndi nú alveg vilja þetta stjórnlaga þing. Í annað eins hefur nú verið eitt hér á landi. Það er nú bara þannig. En samsetning þingræðisins er ekki góð hérna á Íslandi og mun aldrei verða. Það er nú bara þannig. Hafðu það sem best Hólmfríður mín.

[Heimir Lárusson Fjeldsted, 16.3.2009 kl. 20:22]

Hafið þið kynnt ykkur hvað stjórnlagaþing er?

[Hólmfríður Bjarnadóttir, 16.3.2009 kl. 20:29]

Heimir.

Já það hef ég gert og veit mjög vel hvað felst í því. Ef þörf er á þá get ég útskýrt það hér og þú segir bara til með það. Kannski veist þú það nú þegar og þá er það bara hið besta mál, en því miður eru sennilega margir sem ekki eru fyllilega meðvitaðir um málið. Ég er ein af þeim hóp sem stendur að síðunni www.nyttlydveldi.is

[Heimir Lárusson Fjeldsted, 16.3.2009 kl. 20:38]

Þið eruð fyndin.

[Hólmfríður Bjarnadóttir, 16.3.2009 kl. 20:54]

Hvaða glósur eru þetta um fyndni Heimir. Ég tel mig hafa góðann húmor, en sá ekki djókið í þessu, því miður. Það er afar léleg leið að þykjast geta talað til okkar með þessum hætt. Segir í raun mest um þig sem persónu því miður. Hér er verið að tala um einhvert mesta hagsmunamál til aukningar lýðræðis á Íslandi, sem mun gera samfélagið hér að raunverulegu lýðræðissamfélagi. Með virðingu fyrir rétti þegnanna til að hafa áhrif á málefni samfélagsins.