Raunverulega skuldastaða eða KREPPUKLÁM

Miklar tröllasögur hafa gengið um netið og meðal fólks um GRÍÐARLEGA MIKLAR SKULDIR þjóðarinnar og þann ógnar skuldaklafa sem á okkur hvílir.

Hlustaði með mikilli athygli á Tryggva Þór Herbertsson í Kastljósinu í kvöld. Hann fór vel yfir málið og niðurstaðan er sú að nettó skuldir vegna kreppunnar eru tæpir 466 milljarðar íslenskrar króna miðað við að bandaríkjadollar sé verðlagður á 127 krónur.

Þetta nemur 33% af vergri þjóðarframleiðslu. Tryggvi Þór var spurður útí þær gríðarlegu tölur sem væru í umræðunni. Hann kallar þetta KREPPUKLÁM og segir að það virðist keppikefli að segja sem allra mestar ýkjusögur um ástandið.

Athugasemdir

[Valgeir Matthías Pálsson (IP-tala skráð) 17.2.2009 kl. 00:27]

Mér finnst að svona háttsettir menn verði nú aðeins að passa orðaval sitt. Mér finnst þeir ekki meiga segja hvað sem er. Eins og kreppu "klám" þetta er náttúrulega bara, æi veit ekki, ekki honum sæmandi sem háttsettum manni í þessu þjóðfélagi og fræðimanni yfir höfuð.

Hafðu það sem best Hólmfríður mín og knús inn í nóttina. Sofðu rosalega vel.

[Hólmfríður Bjarnadóttir, 17.2.2009 kl. 05:45]

það er bara svoleiðis Valgeir minn að það verður stundum að tala skýrt og það finnst mér rétt núna. Fyrir okkur sem ekki erum menntuð í svona peningamálum, er afskaplega mikilvægt að verið sé að tala um hlutina á réttan hátt. Fólk eins og þú og ég fer kannski að liggja andvaka af peningaáhyggjum vegna þeirra sem tala óvarlega um þessi mál.

Sofðu vel og líði þér vel

[Tóti (IP-tala skráð) 21.2.2009 kl. 16:50]

Mér finnst orðið klám vera hárrétt orðaval í þessu tilfelli. Upprunaleg merking orðsins er léleg vinnubrögð eða frágangur. Ýkjusögur sem fréttir er því bara klám.