Er ég á Íslandi ??

Kryddsíldin rofin vegna mótmæla, skemmdarverk fyrir milljónir, Egill Helgason með óviðeigandi ummæli við blaðamann, er þjóðin að klofna og þá í hvað og hvert er stefnt. Árinu 2008 er að ljúka, árið 2009 að taka við og við erum í miðri ánni. Á bakkanum hinumegin er annað þjóðfélag. Nú skulum við að setja upp jákvæða hjúpinn og senda hann á hvert annað, senda hvert öðru kærleika og væntumþykju. Senda hvert öðru jafnvægi, hugrekki, samheldni, réttlæti, skilning, umbreytingu og jöfnuð.

Ég sendi ykkur öllum góðar óskir um gleðilegt nýtt ár og þakka fyrir árið sem er að líða. Það hefur verið ár hinna mörgu lærdóma fyrir okkur öll.

Athugasemdir

[Jónína Þorbjörg Gunnarsdóttir (IP-tala skráð) 31.12.2008 kl. 18:05]

Gleðilegt nýtt ár Hólmfríður mín, megir þú og þínir njóta gleði og friðar á komandi ári.

[Hólmfríður Bjarnadóttir, 1.1.2009 kl. 02:15]

Takk sömuleiðis, það vona ég svo sannarlega. Ein tillaga í ársbyrjun, er ekki nauðsynlegt að hvetja fólk til fyrirbæna núna þegar reiðin og óttinn eru að heltaka svo marga.

[Jón Halldór Guðmundsson, 1.1.2009 kl. 03:59]

Gleðilegt ár og vil ég í því tilefni óska þess að allt þetta fólk sem brennur af réttlætiskennd, finni leið til þess að nota lýðræðislegar leiðir til að koma skoðunum sínum á framfæri.

[Jónína Þorbjörg Gunnarsdóttir (IP-tala skráð) 1.1.2009 kl. 13:19]

Ég held að nú að allir sem hafa verið að biðja fyrir fólki og friði í heiminum séu nú þegar að biðja þess að farsællega leysist úr málum okkar Íslendinga Hólmfríður mín. Það hefur svo margt jákvætt gerst líka og við þurfum að horfa til þess en ekki bara festast í því sem hefur miður farið.

Gleðilegt nýtt ár enn og aftur.

[Hólmfríður Bjarnadóttir, 1.1.2009 kl. 20:53]

Gott er að vita um fyrirbænir sem eru nú þegar í gangi, en ég var að hugsa um svona tímasetta bænastund þar sem almenningur tæki þátt í hvar sem hann væri staddur á þeirri stundu. Svona hópfyrirbæn mundi vonandi vekja fólk til umhugsunar um gildi bænarinnar og þess jákvæða.