Hvað er skítkast og hvað eru ráð

Var að skrifa færslu á síðuna hjá Agli Helgasyni og mér varð það á að spyrja hann hvort það yrði þáttur með honum á sunnudaginn og hvort hann ætti þyrfti ekki frí. Hann væri svo taugaveiklaður og þyrfti trúlega á námskeið í reiðistjórnu.

Þetta kallar Egill Helgason skítkast um sig og henti færslunni út. Það má henda hverju sem er í alla aðra, en ekki gefa honum ráð. Ojæja, vesalings maðurinn

Athugasemdir

[Jón Steinar Ragnarsson, 16.10.2008 kl. 23:38]

Því miður sé ég þessa glósu þína sem helbert skítkast og dónaskap. Ef þú getur ekki tamið þér meiri nærgætni við fólk, þá láttu bara vera að gera athugasemdir. Skil Egil vel að hafa hent þér út með slíka rætni.

[Hólmfríður Bjarnadóttir, 16.10.2008 kl. 23:46]

Þetta er í mínum huga því miður satt og er ekki sannleikurinn oft sagnabestur og svo er það tilfellið að sannleikanum er hver sárreiðastur

[Jón Halldór Guðmundsson, 17.10.2008 kl. 00:00]

Hæ Fríða.

Ég sá þáttinn á sunnudaginn og verð að segja að Jón Ásgeir stóð sig frábærlega í þættinum.  Egill var með fínan þátt, en hann var ekki í jafnvægi í viðtalinu við Jón Ásgeir.  En allt í lagi samt.

Staðreyndin er samt sú að Egill hefur staðið fyrir upplýstri umræðu um þjóðfélagsmál í mörg ár hér á landi og ég get ekki hugsað mér að missa þennan þátt úr sjónvarpinu. 

Ég get ekki tekið undir að hann eigi að taka sér frí,  en hann þarf samt að læra að stilla sig, annars hefði hann ekki hent færslunni út.! 

En haltu áfram að blogga Fríða.   Ég veit að Egill á eftir að jafna sig fljótt.

Kær kveðja.

Jóndi. 

[Hólmfríður Bjarnadóttir, 17.10.2008 kl. 00:31]

Já misjafn er smekkurinn og ég er ekki að gangrýna þennan þátt að öðru leiti. Ég var ekki að leggja til að hann hætti í sjónvarpinu heldur að honum væri veitt ákveðið aðhald hvað varðar framkomu við viðmælendur sína. Ef ég ber Silfrið saman við t.d. viðtal Sigmars í Kastljósinu við Sigurjón f.v. bankastjóra Landsbankans nú fyrir nokkrum kvöldum, þá eru það ólík viðtöl. Sigmar var krefjandi í spurningum og það er bara gott, en Sigurjón fékk að svara sem er líka gott. Það vantaði hjá Agli þegar Jón Ásgeir var kominn í stólinn.