Peningaáhyggjur - til hvers.

Þegar maður hlustar í fréttir dagsins af markaðnum, sem sífellt verða svakalegri, er manns eigin umfang á þeim vettvangi svo agnarsmátt og svo auðleyst að því er virðist. Hvað þýðir að gera sér rellu út af einhverju sem verður allt öðruvísi á morgun. Þó vaxtabrjálæðið sé svakalegt hér og ekkert að fá nema okurlán, þá er það víst hátíð hjá erlendu lánunum sem hafa hækkað um ca 40% að ég held það sem af er ári. Þetta minnir bara á svæsnar ýkjusögur eða bullusögur. Nú er ég að dunda mér meðan ég bíð eftir fréttum af svörtu loftum við Kalhofsveg þar sem landfeður og mæður funda með alvaldi Íslands og félögum hanns. Hvað skyldi koma gáfulegt út úr því, best að gá.

Athugasemdir

[Jóhann Elíasson, 29.9.2008 kl. 06:17]

Einu hef ég sérstaklega tekið eftir í þessari umræðu um efnahagsmálin, en það er alltaf verið að tala um að ERLENDU lánin hafi hækkað, jú auðvitað hafa þau hækkað þau endurspegla GENGIÐ, en hvað með Íslensku VÍSITÖLUTRYGGÐU lánin það er ekkert talað um að ÞAU hafi hækkað, ég veit ekki betur en að vísitalan gegni "svipuðu" hlutverki en munurinn er sá að ERLENDU lánin lækka með hækkandi gengi en Íslensku vísitölutryggðu lánin hækka nema ef um verðhjöðnun verði að ræða, sem verður að  teljast afar ólíklegt.