Ágætu alþingismenn

Um bloggið

Höfundur

Athugasemdir

Bæta við athugasemd [Innskráning]

8.5.2008 | 02:19

Mér finnst að þið séuð alltof neikvæð í tali og séuð oft meira að hugsa um að skamma hvert annað en að ræða þjóðmálin af gætni og visku. Það er mikill ábyrgð sem fylgir ykkar störfum og við kjósendur vonumst svo sannarlega eftir að heyra ykkur ræða hvert við annað af kurteisi og virðingu. Svo eru fjölmiðlarnir ekki nægilega vandaðir í vali á ræðuköflum sem fluttir eru í fréttatímum. Segið endilega frá málefnalegum umræðum um þingmál sem skipta okkur þegnana máli, en verið ekki stöðugt að dæla í okkur skömmum og skætingi. Þau sem þannig tala á Alþingi eru ekki að vinna vel fyrir kaupinu sínu. Þingtíminn er ekki svo langur og því nauðsynlegt að nýta hann vel og skynsamlega. Gagnrýni og skoðanaskipti eru auðvitað hluti af ykkar vinnu, en ekki skammir og skætingur ágætu þingmenn.

Flokkur: Dægurmál | Facebook

Hjartanlega er ég sammála þér Hólmfríður.
til hamingju með daginn.
Milla.

Guðrún Emilía Guðnadóttir, 11.5.2008 kl. 14:53

Þú ættir nú bara að senda þeim tóninn í fréttablöðunum Fríða svo að þeir heyri þetta, þeir eru nú sennilega ekki á bloggsíðuvafri þingmennirnir okkar.

Jónína Þorbjörg Gunnarsdóttir (IP-tala skráð) 13.5.2008 kl. 10:30

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Sept. 2024

Hólmfríður Bjarnadóttir

Höfðagötu 1 531 Hvamms-tanga.

Fædd 1945 og er Húnvetningur í báðar ættir. Fædd steingeit og mikið fyrir að príla eins og geitum er tamt. Á ekki lengur ferðaþjónustuna, en aðrir tóku við keflinu í vor. Í haust fékk fyrirtæki þeirra, Selasigling ehf viðurkennigu frá Ferðamannastofu sem frumlegasta nýjungin í ferðaþjónustu á Norðurlandi vestra. Ég er stolt og glöð með þessa viðurkenningu, fyrir hönd okkar hjóna og þeirra sem héldu frumkvöðlastafinu áfram. Er núna að hanna og prjóna pils úr lettlopa sem á að selja ferðamönnum. Ég er gift Sævari Jónatanssyni, við eigum 4 börn og 8 barnabörn.