Föt og hnífar

Já það gengur á ýmsu í pólitíkinni. Með hnífasett í baki og bréfabunka í hendi vaða menn um völlinn og reyna að slá sig til riddara. Heldur finnst mér nú lagst lágt þegar verið er að skattyrðast út af nokkrum spjörum sem menn eru meira að segja vaxnir uppúr. Það þarf enginn að segja mér að þetta sé í fyrsta skipti sem frambjóðendur eru dressaðir upp fyrir kosningar. Litgreining, framkoma í fjölmiðlum og annað eftir því hefur örugglega verið partur af ímyndarsköpun frambjóðenda til margra ára. Þó þú sért ósammála einhverjum, þá þýðir það ekki að sá hinn sami sé óalandi og óferjandi. Sá sem ásakar annan er oft að lýsa eigin innræti þegar betur er að gáð. Og vopn í hendi getur verið varasamt. Endilega notið eitthvað sem skiptir máli fyrir fólkið í landinu þegar takast skal á í pólitík.

Athugasemdir

[Guðrún Jóhannesdóttir, 24.1.2008 kl. 00:45]

[Jón Halldór Guðmundsson, 24.1.2008 kl. 22:43]

Tek undir þetta. Sorgleg stjórnmál, þegar vegið er svona að persónu fólks.

[Jóhann Elíasson, 25.1.2008 kl. 22:30]

Þetta er persónulegt níð og ekkert annað.  Hann Guðjón Ólafur Jónsson virðist vera maður sem ekki getur tekið tapi og það sem meira er hann hefur sýnt það að hann er til alls líklegur.