Að vakna við vondann draum

Ég skreið undir sæng um 5 leitið, til að fá mér smá síðdegisblund og vaknaði rétt í þann mund að fréttirnar á Stöð 2 voru að fara í loftið. Ég var aðeins ná áttum, þreifa eftir gleraugunum og einhverjum spjörum þegar Edda Andrés byrjar að lesa fréttayfirlitið. Meirihlutinn í Reykjavík sprunginn og búið að jarða Fisher í kyrrþey fyrir austan fjall. Ég er svosem ekki hissa á að Fisher hafi verið búinn að hugsa fyrir sínum legstað og viljað ráða því sjálfur, gott hjá honum og blessuð sé minning hans. 

En hvað er í gangi í Reykjavík, er 1 apríl eða hvað - nei það er víst 21. jan. Ég reyni að ná skipulagi í kollinu, en hvað er nú þetta? Ólafur F að verða borgarstjóri og kominn undir sæng með Villa og félögum. Nú fyrst versnar það og hver var svo ágreiningurinn. Ég reyni að átta mig á ruglinu. Ég svelgi í mig langar og margar viðtalarunur og átta mig betur og betur á því að hér eitthvað mjög furðulegt á ferðinni. Að skipta Degi B. Eggertssyni út fyrir Ólaf F. Magnússon er eins og bjóða hafragraut fyrir nautasteik með öllu. Jakkafötin hans Björns Inga verða bara hlægileg og hnífasettin í bakinu á vinum hans líka. Á að bjóða Reykvíkingum þetta rugl í borgarstjórn. Hvað ef Ólafi finnst á sig hallað eða á móti sér mælt. Fer hann þá bara og finnur sér nýja "leikfélaga".

Ég var síðan með pylsur í kvöldmatinn og þá rifjast það upp að fyrir margt löngu þurfti ég að láta sauma gat á hausnum á yngri syni mínum. Þá var Ólafur F læknir hjá okkur og meðan hann var að setja nokkur spor í strákinn, var hann stöðugt að tönglast á því að hann hefði borðað pylsur í hádeginu sem hann hafði geymt sem leifar í ísskápnum hjá sér yfir nótt. Hann var svo sjúklega hræddur við að fá matareitrun og deyja. Ég og meinatæknirinn glottum á laumi og kyntum heldur undir. Grun hef ég um að pylsurnar hafi farið til baka eftir að bróderinguni var lokið.

Athugasemdir

[Guðrún Jóhannesdóttir, 21.1.2008 kl. 22:46]

passa sig á pylsunum
Langar að biðja ykkur Sævar að senda henni Elvu minni ljós, hún liggur á sjúkrahúsi í Randers, Regions hospital hæð c6 stofu 5, hún var í aðgerð þann 9 þ.m. og fékk svo sýkingu í allt saman, hún var flutt á sjúkrahúsið í fyrrinótt og fór í aðgerð í gær og þeir eru ekki búnir að loka henni, gleymdi að spyrja tengdasoninn hvenær það yrði gert, talaði bara stutt við hann.

Nú eru mömmuáhyggjurnar á fullu og mundi eftir ykkur og því sem þið eruð að gera, er búin að tala við gamla bænahringinn minn og leita nú til ykkar.

Kær kveðja með miklu þakklæti

[Guðrún Jóhannesdóttir, 21.1.2008 kl. 22:47]

Regína Elva Jónsdóttir er fullt nafn.

Takk aftur  

[Hólmfríður Bjarnadóttir, 21.1.2008 kl. 23:30]

Sæl Gunna mín, þar ekkert sjálfsagðar en að biðja fyrir henni dóttur þinni. Setjum nafnið hennar í bókina góðu. Gangi ykkur allt í haginn Fríða

[Hólmfríður Bjarnadóttir, 21.1.2008 kl. 23:32]

Svo í öðru lagi þá mér finnst alveg með endemun hvernig hann Ólafur F getur snúið fólki í kringum sig eins og skopparakriglum. Mikið langar íhaldið í stólana.

[Guðrún Jóhannesdóttir, 22.1.2008 kl. 10:52]

Takk Fríða mín, ég vissi það líka að það yrði gert

já stólarnir....