Gleðifréttir

Hillary að ná sér á strik í forvali fyrir framboð til forseta Bandaríkjanna, Stefán Ólafsson skipaður stjórnarformaður Tryggingastofnunar og Margrét Frímannsdóttir að taka við fangelsismálum. Það er ekki á hverjum degi sem svona frábærir hlutir gerast. Þarna eru þrjár frábærar persónur sem um árabil hafa vakið athygli og barist fyrir réttindamálum þeirra sem minna mega sín. Bandaríska þjóðin á það svo sannarlega skilið að fá forseta sem ber hag þegnanna fyrir brjósti og þá er ég að tala um fólkið í landinu, en ekki vopnaframleiðendur og valda og fésjúka karla sem einskis svífast til að maka krókinn. Tryggingastofnun er að fá til forystu mann sem um árabil hefur einskis látið ófreistað að  benda á það ranglæti í málefnum tekjulágra sem viðgengist hefur í stjórnartíð Helmingaskiptastjórnarinnar sálugu. Þar vantaði reyndar vopnaframleiðendur í kompaníið, en nóg var hinsvegar af valda og fésjúkum körlum. Ég vænti líka mikils af Margréti Frímannsdóttir fyrir hönd þeirra sem dæmst hafa til vistunar í fangelsum landsins. Hún hefur í gegnum árin verið óþreytandi að tala fyrir aukinni hjálp og þjónustu til handa þessu fólki og nú er hennar tími kominn.

Þarna eru frjálslyndir jafnaðarmenn á ferð og það er sú manngerð sem líklegust er til að bæta heimsmálin til framtíðar.

Athugasemdir

[Guðrún Jóhannesdóttir, 10.1.2008 kl. 00:36]

innlitskvitt

[Jóhann Elíasson, 10.1.2008 kl. 12:05]

Þá er tækifæri fyrir Stefán Ólafsson til að "taka til" í Tryggingastofnun, en þá stofnun hefur hann gagnrýnt mikið síðustu ár.

[Jón Halldór Guðmundsson, 11.1.2008 kl. 09:32]

Kveðjur,

Jón á Seyðis