3.11.2007 | 18:33
Vorum svo heppin að fá ekki togara.
Þessa setningu sagði ég fyrir nokkrum árum við Svavar Gestson, þá þingmannþegar hann kom í heimsókn á þáverandi vinnustað minn Meleyri á Hvammstanga. Togaraskorturinn gerði það að verkum að við höfum nú á síðustu 2 til 3 áratugum stofnað ýmiskonar fyrirtæki. Sum hafa lifað en önnur ekki. Sum hafa verið seld burtu og önnur ekki eins og gengur. Sem betur fer vorum við ekki dæmd í frystihúsavinnu, sem er einhver leiðinlegasta starf sem ég hef kynnst. Rækjufæribandið er heiladautt starf, en þó þrifalegra en fiskvinnan. Þó að við séum ekki svo mörg í sveitarfélaginu eða um 1200 þá erum við nú með nokkuð fjölbreytt atvinnulíf og það eru mörg ár síðan einhverjum hér datt í hug í alvöru að setja hér á stofn fiskvinnslu aðra en rækjuvinnslu sem hefur verið hér síðan 1972. Ég er svo ánægð með togaraskortinn í dag og sé hér grósku sem ekki er eins virk þar sem treyst er á einn stórann aðila.
Um bloggið
94 dagar til jóla
Færsluflokkar
Heimsóknir
Flettingar
- Í dag (21.9.): 0
- Sl. sólarhring:
- Sl. viku: 2
- Frá upphafi: 0
Annað
- Innlit í dag: 0
- Innlit sl. viku: 2
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Athugasemdir
Sæl Fríða mín!
Já það má með sanni segja að fólk hefur ekki gefist upp þarna á Tanganum :) Ég get svo sem tekið undir það að rækjubandið er ekki mjög "þroskandi" vinna, en þar var nú samt oft næði til að velta vöngum yfir ýmsu, jafnvel gat maður "gert upp" gömul mál. Við gleymum svo oft að fiskurinn var nú einu sinni það sem hélt okkur á floti og viljum ekki vinna þessa vinnu, ég hef unnið í rækju, fiski, leikskóla og mörgum fl. störfum og mér finnst afar gott að hafa verið svo lánsöm að fá að vinna í fiski og kynnast þeirri hlið ekkert síður en hinu. Átti marga góða stund bæði í Meleyri og svo í fiskinum á Bíldó, margar skemmtilegar stundir sem ég hefði ekki viljað missa af.
Góða nótt mín kæra og takk fyrir pistil, hann kom mér til að minnast margra góðra vinnufélaga. Knús á ykkur hjónakornin
Guðrún Jóhannesdóttir, 4.11.2007 kl. 00:27
Sæl Gunna mín
Já ég veit vel að ég er kanski vanþakklát og uppástöndur að geta ekki hugsað mér að vinna í fiski. Meiningin var ná kanski frekar sú að hér er miðað við fólksfjölda, alveg ótrúlega mikið úrval af störfum og það þakka ég því að við erum ekki og höfum ekki verið með einn mjög stórann vinnuveitanda. Takk fyrir kveðjuna og sömuleiðis. Fríða
Hólmfríður Bjarnadóttir, 4.11.2007 kl. 02:01
satt segirðu Fríða, en nei ég meinti það nú ekki að þú værir vanþakklát, en það eru svo margir sem líta niður á þá sem vinna fiskvinnslustörfin og gleyma því að þetta hélt okkur uppi.
Hitt er annað mál að á Hvammstanga er alveg ótrúlegur fjöldi einyrkja og kraftaverkafólks, enda er ég stolt af því að vera Húnvetningur í hjarta mínu og svo liggja mínar rætur þarna, þ.e. langalangafi minn átti heima í Húnaþingi vestra.
Kær kveðja
Guðrún Jóhannesdóttir, 4.11.2007 kl. 13:50
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.