Bílaeign á Íslandi.

Við erum dugleg að kaupa okkur bíla og það er líka mikið gert til að halda þeim að okkur. Auglýsingar, bílalán og hvers kyns áróður hefur markvisst fjölgað bílum hér á landi árum saman.  Það er ekkert nema sjálfsagt að við eigum bíla og það hefur ekki verið unnið með sýnilegum árangri að því að beina fólki í almenningssamgöngur. Stærð landsins torveldar slíkt vissulega. en hefur verið einhver raunveruleg framþróun á því sviði undanfarin ár. Höfuðborgarsvæðið ætti að vera orðið mjög þróað á því svið og slíkar samgöngur fólki að kostnaðarlausu. Nú er verið að ráða eftirlitsfólk í vagnana hjá SVR til að koma í veg fyrir kortasvindl. Gatnakerfi borgarinnar er á sama tíma að springa og er kannski löngu sprungið. Það er vel þess virði að gera tilraun í tiltekinn tíma með fríar almenningssamgöngur á höfuðborgarsvæðinu og skíra af heiðarleika frá niðurstöðu úr þeirri tilraun. Þarna mætti í leiðinni gera tilraun með umhverfisvænni farartæki, breytilegar stærðir og fleira. Við verðum að prófa allar leiðir til að minnka umferð einkabíla, minnka mengun og auka hagkvæmni og umhverfisvernd.

Athugasemdir

[Jóhann Elíasson, 9.9.2007 kl. 23:26]

Því miður, flestir vilja sjá hér almennilegar almenningssamgöngur, en strætó hefur verið mjög svo fjársvelt fyrirtæki undanfarin ár og alltaf hefur verið eins brugðist við hallarekstri fyrirtækisins, ferðum hefur verið fækkað  (þjónustan skorin niður) og fargjöldin hækkuð.  nú er svo komið að strætó gengur á hálftíma fresti og alltaf fækkar farþegum.  Nú í haust var tekin upp sú nýlunda að sumir "framhaldsskólanemar" eiga að fá frítt í strætó og að sjálfsögðu fjölgaði farþegum, en vegna þess hve leiðakerfið er flókið og ferðir strjálar treysta sér ekki allir "framhaldsskólanemar" til að nota þjónustuna.  Því ekki að ganga alla leið og hafa frítt í strætó fyrir alla og um leið að gera gagngerar endurbætur á leiðakerfinu og fjölga ferðum?  Ég er þess fullviss að þetta yrði jafnvel ódýrara fyrir borgina og það sem er sagt "þjóðhagslega hagkvæmt".