Mótvægisaðgerðir til langs og skamms tíma.

Það er nú einu sinni svo að mótvægisaðgerðir í svona stöðu koma ekki eins og að smella fingri. Sennilega væri flutningur starfa frá Höfuðborgarsvæðinu það fljótlegasta. Við erum að ganga í gegnum breytingar á vinnumarkaði í mörgum sjávarplássum í dag og það er bara partur af þróun sem ekki verður stöðvuð. Væntanlega eru á þessum stöðum starfandi fyrirtæki á öðrum greinum  sem hægt er að efla. Ég sá á dögunum viðtal við Sveinbjörn Jónsson vestfirðing sem hefur undanfarin ár verið að þróa pokabeitu og segir að sitt fyrirtæki hafi ekki notið mikils stuðnings. Það er örugglega um fleiri slík dæmi að ræða sem vert er að skoða og unnt er að skapa fleiri störf með skömmum fyrirvara. Ef fólkið á stöðunum veit að það er verið að gera eitthvað raunhæft það verður það bjartsýnna og rólegra um sinn hag. Nýjar kennitölur í útgerð og fiskvinnslu bjarga ekki á þessari stundu. Við þurfum nýja hugsun í hafrannsóknir, nýja hugsun í uppbyggingu atvinnu og að fleira sé vinna en að tína orma og rusl úr þorski og rækju, nýja hugsun í uppbyggingu menntunar eina og að bjóða fólki á þessum svæðum að setjast á skólabekk með öflugum stuðningi. Við þurfum að átta okkur á því að þjónustustörf eru líka vinna, að það sé ekki nauðsynlegt að koma bullsveittur úr vinnunni. Ég gæti haldið lengi áfram í þessum dúr, en ætla að stoppa núna.

 

Athugasemdir

[Jóhann Elíasson, 13.7.2007 kl. 21:05]

Ég vil benda þér á færslu um þessar "mótvægisaðgerðir" á bloggsíðu minni.  Að mörgu leyti erum við sammála vissulega er skoðanamunur en að mínu mati væri annað ekki nógu og gott. Skoðanir geta aldrei verið alveg þær sömu.