Ferðamannaveiðar - verðlag

Hæfilegt verðlag á afþreyingu í ferðaþjónustu er oftast erfitt að finna.  það er ávalt persónulegt mat hvers og eins hvað er dýrt eða ódýrt. Ef eitthvað er fágætt eru ferðamenn tilbúnari til að greiða meira fyrir það en annars. Það er heldur ekki sama hvaðan ferðamennirnir koma. Þeir hafa mismunandi verðskyn, fjárráð, verðmat, verðmætamat, eyðslusaðla og svona mætt lengi telja. Það er í raun ekki á færi hins almenna borgar á Íslandi að meta hvert verð á að vera á einstökum þáttum. Það sem mér finnst hæfilegt finnst öðrum of hátt eða lágt. Það er mitt mat að þeir sem fara inn á nýjar brautir í ferðaþjónustu þurfi að fá faglegt mat á  verðskrá áður en lagt er upp í fyrstu. Þetta segi ég vegna eigin reynslu.

Við sem erum að feta okkur inn á þessa braut í dag höfum aðgang að fagmenntuðu fólki á mjög mörgum sviðum. Við eigum að notfæra okkur þjónustu þessa ágæta fólks, vinna með því, þyggja ráð og leiðbeiningar, láta vinna einstök verk fyrir okkur og vera óhrædd við að leit álits á öllu mögulegu. Þetta kostar peninga en við höfum ekki efni á að sleppa þessari þjónustu. Það er svo löngu búið að finna upp hjólið og það kosta oft svo mikið að leika einhvern vitring.