Stjórnlagaráð komið á koppinn.

Mitt í öllum fréttunum um húsleitir - handtökur og yfirheyrslur - kemur vonargeisli til okkar. Stjórnlagaráð er orðið að veruleika og byrjar að vinna eftir nokkra daga. Það eru ekki nema rúm 2 ár síðan Njörður P Njarðvík kom í Silfrið til Egils þann 11. janúar 2009 og vakti máls á brýnni þörf fyrir nýja Stjórnarskrá.

Ég sat heilluð - horfði og hlustaði - undirskriftasíða fór í loftið nokkrum dögum síðar -  framhaldið þekkjum við. Þrátt fyrir að Íhaldið gerði ALLT sem í þess valdi stóð til að kæfa málið - er það nú staðreynd að Stjórnlagaráð kemur saman eftir nokkra daga.

 Eiríkur Bergmann tók sætið sitt í Stjórnlagaráðinu í dag með þeim orðum að hann hefði góða vissu fyrir því að niðurstaða Stjórnlagaráðsins færi í þjóðaratkvæði áður en hún verur lögð fyrir Alþingi. Hvílíkur sigur LÝÐRÆÐISINS:

Athugasemdir

[Sk (IP-tala skráð) 30.3.2011 kl. 06:49]

þú hefur ekki fylgst vel með ! íhaldið á 16 á þingi, það voru 33 sem kærðu sig ekkert um þetta rugl - íhaldið er ekki þessi 70% sem voru ekki með í ógilda "þjóðaratkvæðinu" þó svo þeir séu að verða sterkir, svo einhverjir fleirri hafa þá viljað "kæfa"

"þvílíkur sigur LÝÐRÆÐISINS, ja hérna, þjóðin var bara akkúrat ekkert með í þessu.

[Úrsúla Jünemann, 30.3.2011 kl. 17:13]

Ég fagna því innilega að stjórnlagaráð er komið til starfa. Kjaftæði um að þjóðin var ekki með í þessu er ekki marktækt. Þeir sem kærðu sig um að kjósa gerðu það. Þeir sem sátu heima verða bara að gera það upp við sjálfan sig.

[Hólmfríður Bjarnadóttir, 31.3.2011 kl. 00:54]

Ég vil bara segja við SK að ég hef fylgst mjög vel með þessu máli og gef ekkert fyrir þann talnaleik sem þú ert með. Takk Úrsúla fyrir þitt innlegg sem er bæði sanngjarnt og málefnalegt