Lánið mitt var að lækka !!

Pósturinn var komin og ég fékk gamla hnútinn í magann. Enginn lögfræðinga eða innheimtumerki á umslögum í þetta sinn, enn sá léttir. Settist með stabbann og byrjaði að skoða, nokkrar kvittanir frá bankanum vegna greiðsluþjónustu. Notalegt að skoða greidda reikninga, afborgun af láni, best að skoða hvað höfuðstóllinn hefði hækkað milli mánaða. En bíddu við, hvað var að gerast, ég gáði aftur og aftur, jú þetta var rétt. Höfuðstóllinn hafði LÆKKAÐ, um mig fór notaleg gleðibylgja, loksins var það að gerast. Davíð var að takast ætlunarverkið, að gera Ísland að paradís með lækkandi lánum og stöðugu verðlagi. Brosið fór ekki af andlitinu, horfði á seðilinn og bjartsýnin helltist yfir mig. Þetta var á tíunda áratug síðustu aldar.

Athugasemdir

[Jenný Stefanía Jensdóttir, 23.10.2010 kl. 02:32]

Svo þetta var bara draumur?

[Hólmfríður Bjarnadóttir, 23.10.2010 kl. 09:30]

Öllu heldur ein stór skýjaborg sem hrundi endanlega haustið 2008. Hef svo sem ekki trúað í blindni á Davíð í gegnum tíðina, en þarna fannst mér hann njóta sannmælis um stund sem góður stjórnmálamaður.

En hann er bara partur af peningasöfnunarklíkunni stóru sem hefur skipulega mergsogið okkur á allan þann máta sem þeim hefur hugkvæmst. Þeirra var mátturinn og dýrðin, en þeir eru nú sem betur fer á leið í réttarsali landsins fyrir margskyns misnotkunn á valdi, upplýsingum o.fl.