Miskunnarleysi gagnvart skuldurum

 

Ég upplifi mikla sorg í mínu hjarta vegna þess miskunnarleysis sem virðist vera ríkjandi í samfélaginu gagnvart skuldurum. Öll fjármálafyrirtæki (líka Lífeyrissjóðirnir) þurfa á lántakendum að halda til að ávaxta sitt fé.

Kúabóndinn fóðra kýrnar sínar vel og skynsamlega og stillir mjaltavélina svo hún gangi ekki nærri júgrum kúnna. Lántakendur hafa margir hverjir verið settir á lélegan ofbeyttann úthaga og síðan er mjaltavélin stillt á ofursog. Það mundi góður bóndi ekki gera

Árangurinn er að lántakendur lifa ekki af fjárhagslega og það hlýtur að vera skaði fyrir fjármálafyrirtækin (líka Lífeyrissjóðina). Græðgin er orðin svo yfirþyrmandi og skíturinn svo mikill.

Athugasemdir

[Sævar Helgason, 22.10.2010 kl. 23:25]

Lífeyrissjóðir almennings töpuðu um 500 milljörðum í hruninu. Lífeyrissjóður ríkisins tapaði engu- skattgreiðendur verðbæta þann sjóð að fullu.

 Engar kröfur hafa verið gerða til að sá lífeyrissjóður gangi til skuldara-bara þeir almennu.

Lífeyrir fólksins í hinum almennu sjóðum hefur skert tekjur þeirra um  20-30 % eftir hrun-til viðbótar almennri skerðingu ríkisins (TR) Hinir almennu lífeyrissjóðir eru eign sjóðfélaga.

Nú vilja skuldarar að gerð verði eigna upptaka hjá þessum almennu sjóðum til að lækka skuldir sem mynduðust í Bólunni. Enginn gerir kröfur til lífeyrissjóðs ríkisstarfsmanna-og síst Ögmundur J. -þeir halda öllu sínu verðtryggðu af skattborgurum.

 Það er aldeilis fráleitt að ganga frekar á eftirlaun lífeyrisþega til að greiða til  þeirra sem sökktu sér í skuldir í góðærisbólunni.....Bankarnir eru sökudólgarnir miklu að hruninu-þeirra er að taka sinn skell.

[Hólmfríður Bjarnadóttir, 23.10.2010 kl. 01:34]

Tillögur Hagsmunasamtaka Heimilanna gera ráð fyrir því að með ákveðnum tilfærslum réttinda milli nútíðar og framtíðar, megi gera skuldaleiðréttingu mögulega, án þess að skerða réttindi þeirra sem nú þiggja bætur. Við hjónin erum ekki eigendur fasteignar og erum bæði lífeyrisþegar.

Tel þó óhjákvæmilegt að leiðrétta forsendubrest heimilanna vegna hrunsins. Sú rökvilla að aðeins sé um að ræða fasteignaskuldir þeirra sem keyptu korteri fyrir hrun, á ekki við. Verið er að tala um innistæður heimilanna í húseignum heilt yfir og um allt land. Góðærisbólan stóð stutt og kom ekki út á land ef frá er talið mið Austurland

Norðurland vestra var með  9% neikvæðanHagvöxt 1998 til 2005 samkvæmt Skýrslu Hagfræðistofnun HÍ frá því rétt fyrir Hrun

Varðandi lífeyrissjóða kerfið í heild þá finnst mér mjög athugandi að samræma það eða sameina í einn sjóð.