Áfangi í átt til breytinga á fiskveiðistjórnunarkerfinu

Sáttanefndin um kvótakerfið hefur skilað sinni skýrslu. Þar er talað um tvær meginleiðir til breytinga og hefur hin svokallaða sáttaleið hlotið náð fyrir augum meri hluta nefndarinnar. Það kemur ekki á óvart þar sem hagsmunaaðilar virðast haf verið með meiri hluta fulltrúa á sínu bandi. Nú verður málið unnið áfram svo raunveruleg sátt náist um þetta stóra auðlindamál. Yfirlýsing endurnýjaðrar ríkisstjórnar gefur svo sannarlega tóninn með það að betur má ef duga skal. Við almennir borgar þessa lands munum alls ekki sætta okkur við niðurstöðuna eins og nefndin skilaði henni af sér, sáttaleiðina. Ég er ekki sammála Finnboga Vikari um að skipan nefndarinnar hafi verið mistök, þvert á móti því nú höfum við valkost núverandi handhafa kvótans, ásamt valkosti minnihluta nefndarinnar sem vinna þarf mun betur og getur orðið grundvöllur á ásættanlegri niðurstöðu. Það mun taka einhvern tíma í viðbót að klára þetta mál, en við skulum ekki gleyma því að þarna er við sterk öfl að eiga og það má ekki missa úthaldið á endasprettinum þó hann verði í lengra lagi.

Athugasemdir

[Jóhannes Laxdal Baldvinsson, 9.9.2010 kl. 17:18]

Finnst engum ámælisvert að þessi svokallaða samningaleið skuli vera útfærð af einum af kvótaprinsum Samfylkingarinnar?  Ég fæ ekki betur séð en Lúðvík Bergvinsson sé bullandi vanhæfur.  Og varðandi þessa skýrslu, þá er langt síðan ég hef rennt yfir jafn illa unna skýrslu!!  Var ekki hægt að fá einhvern sem kann til verka, til að setja hana upp á skilmerkilegan hátt?

[Hólmfríður Bjarnadóttir, 9.9.2010 kl. 18:24]

Vanhæfi nefndarmanna er vissulega mál út af fyrir sig og uppsetning skýrslunnar/niðurstöðunnar líka. Það eru ekki þeir þættir sem skipta höfuðmáli að mínu mati, heldur sú staðreynd að vinna nefndarinnar skilaði niðurstöðu og að útgerðarmenn komu að borðinu. Mikil vinna er eftir og hana verður að inna af hendi eins fljótt og hægt er.