Magma opið fyrir því að selja erlendum fjárfesti hlut í HS Orku

Braskið er að byrja og ekkert verið að fela slíkt. Auðjöfrar telja sig og hafa ætíð talið sig vera í fullum rétt að versla með ALLT, hvort sem það er dautt eða lifandi. Mannslíf eru þar engin undantekning. Haft var eftir bandarískum námueigandi eftir  námuslys hjá hans fyrirtæki, þar sem allmargir námuverkamenn létu lífið (29 ef ég man rétt) að allt eftirlit og reglur væri til mikils trafala. Samviskan ekki að angra.

Athugasemdir

[Lúðvík Júlíusson, 29.7.2010 kl. 04:06]

Hér erum við sammála!

Hluturinn sem Magma Keypti á 2,5 milljarða króna og greiddi með aflandskrónum kostaði það 17 milljónir USD.  Hluturinn hlýtur enn að vera metinn á 2,5 milljarða króna og er því metinn á 20,8 milljónir USD á núverandi gengi.

Þarna er kominn hagnaður í boði Seðlabankans og Gylfa Magnússonar upp á 3,8 milljónir USD.   Nú er einnig skynsamlegt af Magma Energy að selja enda búnið að ávaxta hlutinn um 22,3% á skömmum tíma.

[Hólmfríður Bjarnadóttir, 29.7.2010 kl. 04:19]

En finnst þér það í lagi?

[Lúðvík Júlíusson, 29.7.2010 kl. 05:04]

Nei, ég er búinn að benda á ruglið í kringum þessar aflandskrónur nú í marga mánuði og búinn að benda á það hvernig gjaldeyrishöftin leyfa þeim ríku að verða ríkari á meðan við hin drögumst aftur úr.

Ég hef í raun ekki myndað mér skoðun því hverjir eiga að eiga auðlindirnar en lít á vatns- og rafmangsveitur sem grunnþjónustu sem á að vera í höndum sveitarfélaga eða hins opinbera.

[Hólmfríður Bjarnadóttir, 29.7.2010 kl. 18:09]

Er því ekki nægilega vel inn í gjaldeyrismálunumtil að geta rætt þau af neinu viti. Auðlindirnar eiga að vera í eigu samfélagsins svo arður af þeim renni í okkar sameiginlega sjóð. Leiga fyrir veiðiheimildir, arður af vatnsafli, gufuafli og jarðvarma. Sala á neysluvatni þarf líka að skila arði til samfélagsins og það verður að gera þær lagabreytingar sem til þarf