Siv ósatt við tillögu Gunnars Braga um að draga umsókn um ESB til baka

Nú er ég sammála Siv þó hún sé Framsóknarmaður. Gunnar Bragi er ekkert annað en skósveinn Þórólfs Gíslasonar kaupfélagsstjóra Kaupfélags Skagfirðinga. Á þeim bæ KSheimilinu er aðeins hugsað um að safna auði sem er soginn út úr bændum, fiskverkafólki, sjómönnum og öðru launafólki. Gunnar Bragi er aðeins að hlýða sínum yfirmanni og löngu tímabært að segja það upphátt.

ESB er eitur í beinum ÞG og hans líka. Þeir/þau vilja auðvitað halda áfram í sama leiknum með krónuna og halda lífskjörum alnennings á lægsta kanti.

Athugasemdir

[Þórarinn Baldursson, 2.7.2010 kl. 20:31]

Heirðu kona góð! Trúir þú sjálf þessu kjaftæði í þér,ég held að þú ættir að halda þig við léttlopan en vera ekki að rakka niður Kaupfélagið á Sauðárkróki,og ég trúi tæplega að það sé rétt sem stendur þarna hjá þér að þú sért Húnvetningur í báðar ættir.Ég héllt að það væri ekki til svona hugsandi manneskja í þeirri sýslu,svo er annar möguleiki að þetta sé öfund út í skagfirðingana.Kona líttu þér nær,hvenær hefur eitthvað gengið upp í atvinnu málunum þarna á Tanganum?

[Hólmfríður Bjarnadóttir, 2.7.2010 kl. 21:01]

Sæll Þórarinn.

Þér hefur greinilega runnið blóðið til skyldunnar að verja þinn mann. Er það kannski bara tilviljun að Skagafjörður er eitt mesta láglaunasvæði á landinu. En það sem málið snýst um og það er að það rammgerða sölukerfi um afurðir bænda og sjómanna og hefur mjög sterka valdastöðu í Skagafirðinum hjá ÞG.  Toppurinn vill auðvitað ekki missa sín tök og sjá fram á að launafólkið á gólfinu, í flórnum og á dekkinu fái nú loks verðug laun sinna starfa.

Ég er auðvitað ekki að "rakka  niður" það fólk sem býr í Skagafirðinum og vinnur hjá KS. En ég veit hinsvegar vel að það fólk er ekki of sælt af sínum launum og hefur jafnvel flúið af svæðinu vegna láglaunastefnu KS. Um það þekki ég dæmi og veit að það er rétt.

Það að segja það sem allir vita, en fáir þora að ræða, heitir ekki að "rakka niður" heldur að vera hreinskilin.

Atvinnumál á landinu öllu munu taka verulegum breytingum til hins betra þegar við verðum komin í ESB. Þar er byggðastefna mjög virk og þar sem landið mun væntanlega allt teljast harðbýlt svæði (fyrir norðan 62° breiddargráðu), þá munu landbúnaðarstyrkir íslenska ríkisins verða heimilir, auk styrkja frá ESB.

Auðvitað verða verulegar búháttabreytingar og það þarf ekki að vera neikvætt nema síður sé.

Aðrar "athugasemdir" frá þér eru bara ekki svara verðar