110% bílalán

Mér finnst það vera algjör sanngirnisaðgerð að færa bílalánin  niður með þessum hætti. Að tala um gróða í þessu sambandi er algjört öfugmæli. Það er verið að minnka TAP fólks. Hvort sem bílalánin voru tekin vegna nýrra eða notaðra bíla hefur upphæð þeirra hækkað gífurlega. Við sem ekki getum unnt öðrum að fá sanngjarna leiðréttingu á okurlánum, erum ekki að horfa raunhæft á málin. Auðvitað gagnast þetta ekki öllum en örugglega mörgum. Einhverjir verða að fá frekri aðstoð og einhverjum er ekki hægt að hjálpa. Þannig er það bara

Skiptar skoðanir um afskriftir

Athugasemdir

[Hamarinn, 15.3.2010 kl. 18:30]

Hver ætlar að meta markaðsvirði bílanna?

Hann sjálfur?

Markaðsverð bílanna mun rjúka upp núna, en eftir aðgerðirnar  hrynur það.Heimskasta aðgerð sem til er.

[Jóhann, 15.3.2010 kl. 18:46]

110% afskriftaleið, dæmi:

Tveir aðilar kaupa eins bíl sama dag, annar á 80% láni og hinn á 50% láni, bíllinn kostaði 4 milljónir nýr og hefur rýrnað í verði um 15% og lánin hafa hækkað um 80% á lánstímanum. Sá sem borgaði helming út fær ekkert afskrifað en sá sem tók 80% lán fær 2.020.000 afskrifaðar. Sanngjarnt?

Annar möguleiki væri að lækka höfuðstólinn í 135% af þeim hluta bílsins sem var tekinn að láni! Þá fá þessir ofangreindu aðilar sama hlutfall af láninu sínu afskrifað.

[Hólmfríður Bjarnadóttir, 16.3.2010 kl. 21:17]

Það virðist nákævæmlega sama til hvaða aðgerða núverandi stjórnvöld grípa, það eru alltaf tilbúinn haugur af "sérfræðingum" sem rífur og tætir allt niður með það sama. Gamall málsháttir er svona "Enginn gerir svo öllum líki og ekki Guð í Hinmnaríki".