Langjökull í gær

Það var mikil gæfa yfir björgunarmönnunum og hinum týndu á Langjökli sl nótt að leiðir þeirra lægju saman og björgun tókst svo giftusamlega. Tek heils hugar undir með Ólafi sýslumanni á Selfossi með að nauðsyn sé á rannsókn málsins. Það er líka gríðarleg ábyrgð lögð á ferðaþjónustuaðila við að meta aðstæður þegar farið er í slíkar ferðir. Ferðir um íslenska náttúru eru afskaplega spennandi en líka áhættusamar, hvort sem er á landi eða sjó.

Sýslumaður rannsakar

Athugasemdir

[Sveinn hinn Ungi (IP-tala skráð) 15.2.2010 kl. 21:17]

Mér létti mikið að heyra þær fréttir að mæðginin hafi bjargast. Þarna mátti litlu muna, en öflugar björgunarsveitir og rétt viðbrögð móðurinnar höfðu þarna mikið að segja.

[Jónína Þorbjörg Gunnarsdóttir (IP-tala skráð) 15.2.2010 kl. 22:07]

Það var yndislegt að lesa það í morgun að þau hefðu fundist en það var það síðasta sem ég hugsaði um í gærkvöldi áður en ég fór að sofa að ég vonaði að þau fyndust. Það er örugglega hræðilegt að lenda í svona aðstæðum með barninu sínu. Púff ég hef einu sinni orðið hrikalega hrædd í snjósleðaferð en þá sást ekkert framfyrir sleðan ég var farin að sjá fyrir mér að við yrðum að grafa okkur í fönn á meðan mesta snjókoman gengi yfir. En sem betur fer kom ekki til þess.

[Ragnheiður , 15.2.2010 kl. 23:50]

Hólmfríður, þetta blogg er það besta sem éghef lesið um þessa atburði,engir dómar heldur bara manngæskan sem skín í gegn.

Takk fyrir þetta

[Hólmfríður Bjarnadóttir, 16.2.2010 kl. 01:50]

Það er ekki við hæfi að dæma við slíkar aðstæður. Það gerðu örugglega allir sitt besta og meira en það. Hins vegar er nauðsynlegt að yfirfara málið og bæta það sem hægt er. Öryggi ferðamanna er gríðarlega stór og mikilvægur liður í ferðaþjónustu um náttúru Íslands. Ferðamenn sem skipta við fyrirtæki það sem töluverur kostnaður liggur í öryggismálum, vill örugglega greiða örlítið hærra gjald fyrir ferðina. Hef séð nokkur öryggistæki nefnd í dag á blogginu, en hef ekki kunnáttu til að meta hvað hentar best. Það finnst örugglega lausn sem hentar.