Gífuryrði á netinu - þú er heimsk - fávís - með tómann haus - fremur landráð o. s.frv.

Nú um stundir er haldið uppi rakalausum áróðri gegn ríkisstjórninni og hennar fylgjendum sem einkennist mjög af smjörklípum sem innihelda fullyrðingar um heimsku - fávisku - tóma hausa - bull og þvætting og fjölmörg önnur lýsingarorð af sama toga. Svo eru auðvitað landráðin og margskonar önnur ærumeyðandi ummæli.

Þegar búið er að segja þetta nógu oft fer fólk að efast um eigin skynsemi og vitsmuni. Slík niðurbrjótandi ummæli eiga ekkert ekkert skylt við rökræna umræðu. Ég hef leitast við að haga skrifum mínum þannig að þau innihaldi rök í þeim málum sem fjallað er um hverju sinni, en laus við fullyrðingar um persónur og skitkast.

Ég hef tekið þá ákvörðun að færslur sem innihalda slíkar fullyrðingar um mig persónulega, mun ég fjarlægja hér af síðunni minni.

 

Athugasemdir

[Finnur Bárðarson, 12.1.2010 kl. 10:57]

Það er algerlega sjálfsagt Hólmfríður, fólk kemur ekki í heimsókn á skítugum skóm.

Kveðja

[Hólmfríður Bjarnadóttir, 12.1.2010 kl. 14:27]

Takk fyrir innlitið Finnur

[Guðmundur St Ragnarsson, 12.1.2010 kl. 18:20]

Ég er alls ekki sammála VG og Samfylkingarfólki um túlkun á ICESAVE. Hitt er annað mál að úthrópa fólk sem landráðafólk. Það er ljótt og óábyrgt. Ekki láta neitt á þig fá Fríða mín. Það er málfrelsi :) Kv. Muggi.

[Hólmfríður Bjarnadóttir, 12.1.2010 kl. 21:00]

Sæll Guðmundur.  Ég er ekki að tala um fólk eins og þig sem kann sig. Ég er heldur ekki hörundsár fyrir mína hönd, síður en svo. Ég er bara að vekja á þessu athygli og láta aðra vita að það er allt í lagi að andmæla svona ókurteisi. Málfrelsi er sko allt annað og afskaplega gott mál. Kveðja í kotin þín Guðmundur :)