Meira um 20% niðurfellingu skulda

Þjóðin situr víst og reiknar í gríð og erg þessa dagana. Ástæðan hugmyndir um niðurfellingu 20% skulda heimila og fyrirtækja. Ég hef reynda ekki reiknað neitt, en segi enn og aftur að ef allar þær forsendur sem TÞH er með í sínum útskýringum eru réttar, þá er rétt að skoða málið. Ef forsendurnar standast ekki í raun og veru þá er málið dautt. Hef fengið útskýringar í löngu málu sem snúast aðallega um tilfinningar, en ekki bláköld rök svo ég er enn skotin í hugmyndinni.

Athugasemdir

[Einar Ben, 18.3.2009 kl. 08:32]

Sæl Fríða.

Það er ágæt greining á þessu á eyjunni í dag, tekið úr fréttablaðinu. Þar er sýnt fram á að þetta geti kostað um 800 milljarða!

kv.

[steini (IP-tala skráð) 18.3.2009 kl. 11:36]

Sæl verið þið

Niðurfelling skulda er nauðsynleg fyrir heimilin og snýst um jafnræði, innistæður voru tryggðar í hruninu (nema ákveðnir sjóðir) og því er nauðsynleg að beita þessu heilt yfir.

Ég vona að ekki verðið farið í eitt enn "kratíska kerfið" þar sem ákveðnum trössum/svindlurum er umbunað, Verkamannabústaðakerfið er t.a.m. eitt gleggsta dæmið þar um.

Mikið er ég feginn að Einar Ben fékk ekki framgang hjá Samf., og enn og aftur Fríða þá ertu greinilega í raungum flokk.

kv Steini

[Hólmfríður Bjarnadóttir, 18.3.2009 kl. 11:55]

Einar, takk fyrir þessar upplýsingar og það getur breytt minni afstöðu ef ekki er búið að semja um afskriftir skulda milli bankanna (gömlu og nýju). Mér finnst hugmyndin samt sem áður góð og tel ekki rétt að henda henni í ruslið hér og nú.

Steini, mér þætti vænt um að þú kæmir fram undir fullu nafni svo ég viti að minnsta kosti við hvern ég er að spjalla. Ef þú telur þig þekkja mig, þú finnst mér skrítið að þú haldir að hægt sé að snúa mér eins og vindhana í pólitík. Ég er í réttum flokki og ætla að vera það áfram, bara svo þú vitir það væni minn. Verkamannabústaðakerfið er gott.

[Jónína Þorbjörg Gunnarsdóttir (IP-tala skráð) 18.3.2009 kl. 12:08]

Mér lýst mjög vel á þessa hugmynd eins og þér Fríða, ég held að það muni kosta okkur minna þegar upp er staðið. Ég er sjálf er þó ekki með neinar stórkostlegar skuldir á bakinu en er aftur á móti í ábyrgð fyrir skuldum fyrirtækis sem fékk ekki lán nema að leggja fram fullkomið veð, auk veðsetningar í þeim tækjum sem tilheyra fyrirtækinu.

[Valgeir Matthías Pálsson (IP-tala skráð) 18.3.2009 kl. 13:04]

Ég meina þessi 20% niðurfelling skulda kemur best við þá sem skulda mest en það kemur þeim sem skuldar minna ekkert til góða. Þannig að ég er á móti þessari leið. Þetta er mjög lélegt.

Knús á þig Hólmfríður mín.

[Kolbrún Baldursdóttir, 18.3.2009 kl. 13:10]

Búin að taka þátt í skoðanakönnuninni þinni.

[Hólmfríður Bjarnadóttir, 18.3.2009 kl. 16:09]

Jónína, já það eru margar hliðar á þessu öllu. Kolbrún gott að heyra frá þér