Útifundur - um hvað ??

Hef undanfarna 45 mínútur hlustað á ræðumenn á útifundinum í miðborg Reykjavíkur. Ég er svo sem engu nær um vilja þessa fólks. Það vill jú kosningar í vor, Davíð burt, ríkisstjórnina burt, fjármálaeftirlitið burt, en hvað svo ?? Við erum ríkið, við viljum lýðræði hrópuðu ræðumenn hver í kapp við annan. Þetta er fyrst og fremst reiðiútrás og í versta falli vísir að vinstri sveiflu sem vill einangra landið.

Er fólk að kalla eftir þjóðastjórn, veit ekki.

Athugasemdir

[Jónína Þorbjörg Gunnarsdóttir (IP-tala skráð) 15.11.2008 kl. 17:03]

Já ekki gott að segja hvað fólkið vill en ég held að eins og komið er þá þurfi ákveðnir hlutir að klárast áður en þeir sem eru núna í stjórinni fara frá völdum. En það hlýtur að koma inn nýtt fólk í næstu kosningum hvenær sem þær verða en helst vildi ég fá að kjósa um fólk en ekki flokka. Þetta flokkakerfi er löngu orðið úrelt bara eins og landbúnaðarkerfið, það þarf að vera hægt að versla við þann bónda sem maður kýs að minnsta kosti í kjötframleiðslunni.

[Máni Ragnar Svansson, 15.11.2008 kl. 17:50]

Sammála þér Jónina, landbúnaðarkerfið þarf að opnast, til hagsbóta fyrir bændur og neytendur, en ekki milliliðakerfið, eða eigum við kannski að segja MILLA-Liða-kerfið.  Ég vill fá að versla beint við bóndann minn og það þarf að auka fjölbreytni í því sem framleitt er, líka í garðyrkjunni, sá atvinnuvegur á að fá rafmagn á sama verði og álið, eða er það kannski ekki hægt ?  Því eru kannski allir aðrir en álfyrirtækin að borga það sem vantar uppá þetta lága verð til álfyrirtækjanna ?  Líka við, heimilisnotendur ?

[Jakobína Ingunn Ólafsdóttir, 15.11.2008 kl. 20:20]

Fólkið vill losna við spillinguna!

[Hólmfríður Bjarnadóttir, 17.11.2008 kl. 00:17]

Það er kannski ekki nema von að fólkið sé ráðvillt, en það er að hefjast uppstokkur og uppgjör inni í gömlu flokkunum tveim.  Þar er svo mikið af gamalli hugsun sem þarf að endurnýja.