Viðskiptaráðherra stendur vaktina

Það er ljóst af fréttum Stöðvar 2 að viðskiptaráðherra hefur staðið vaktina. Efnahagsbrotadeildin er farin að rannsaka millifærslur sem þykja grunsamlegar. Þarna sést að verið er að fylgja málum eftir af festu og samkvæmt lögum.

Mikið hefur verið rætt um að sönnunargögn í formi pappíra hafi og muni verða eyðilagðir. Þar sem viðskipti í dag fara fram í tölvum er hættan á að gögn glatist alveg hverfandi.

Hæfir tölvunarfræðingar finna gögn á tölvum þó hinn venjulegi notandi telji sig vera búinn að eyða þeim vel og vandlega. Þetta veit ég að var mikilvægt við rannsókn Olíusamráðsins. Þar fundust tölvupóstar sem olíuforstjórarnir töldu sig vera búna að eyða og sönnuðu að hluta til samráðið.

Pappístætarar eru góðir svo langt sem þeir ná en eru þó ekki lokaeyðsla gagna.

 

Rannsaka millifærslur

Athugasemdir

[Jakobína Ingunn Ólafsdóttir, 27.12.2008 kl. 20:43]

Heyrði einhverstaðar að tölvur hefðu verið fjarlægðar.....það tók Björgvin marga mánuði að fara að sinna þessu máli.....er það ekki kallað sinnuleysi.....búið að eyða gögnum?.....

[Ægir Óskar Hallgrímsson, 27.12.2008 kl. 20:59]

Gott til þess að vita að gögn eyðist ekki í tætaranum einum saman.

[Hólmfríður Bjarnadóttir, 27.12.2008 kl. 21:02]

Þegar svona gögn eru send milli aðila og ekki síst bankastofnana, þá eru þau afrituð og þá er mjög líklegt að hægt sé að rekja marga hluti. Og hvað vitum við hvað er verið að rannsaka nú þegar. Auðvitað eru svona rannsóknir ekki framkvæmdar í fjölmiðlum og því ekki að marka hvað fréttast hefur enn sem komið er. Verum ekki of dómhörð, það eiga mörg kurla eftir að koma til grafar. Ég hef miklu meiri trú á að verið sé að vinna á fullu, en að "ekkert" sé gert eins og margir tala um.

[Hólmfríður Bjarnadóttir, 27.12.2008 kl. 21:04]

Nei Ægir þau gera það svo sannarlega ekki.

[Róbert Viðar Bjarnason, 28.12.2008 kl. 02:32]

Þú segir: "Hæfir tölvunarfræðingar finna gögn á tölvum þó hinn venjulegi notandi telji sig vera búinn að eyða þeim vel" - Heldur þú virkilega að bankamenn sem hafa eitthvað að fela viti þetta ekki?  Ef þú ert tölvunarfræðingur er mjög auðvelt að eyða gögnum sem aldrei munu aftur finnast, og sekir bankamenn með milljarða í vasanum hafa aðgang að bestu tölvunarfræðingum sem rosalaun geta keypt...

Með sinnuleysi sínu er Viðskiptaráðherra einn af þeim sem bera hvað mesta sök í þessum eftirmálum og ef hann væri ekki svona "góður strákur" og "krúttlegur" gæti maður haldið að hann væri beintengur í að fela slóðina til að reyna að bjarga sínum pólitíska ferli og orðspori Samfylkingarinnar...

[Hólmfríður Bjarnadóttir, 28.12.2008 kl. 04:16]

Róbert Viðar 

Ég ætla nú eingu að síður að halda þessu fram og tel mig hafa aðgang að nokkuð færum einstakling á þessu sviði sem ég hef þetta eftir. Auðvitað vita margir býsna mikið um tölvur í dag, en sumir eru einfaldlega færari en aðrir.

[Hólmfríður Bjarnadóttir, 28.12.2008 kl. 04:19]

Svo er það um viðskiptaráðherra að segja að hann er örugglega stórlega vanmetin, af þér og fleirum.