Landflótti er ekki vegna skattahækkana !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Sigmundur Davíð Gunnlaugsson formaður Framsóknar lét sig hafa það að kenna NÚVERANDI RÍKISSTJÓRN  OG  SKATTAHÆKUNUM  HENNAR  um landflótta til Noregs.

Ég á son sem flutti til Noregs með sína fjölskyldu sl sumar. Það voru ekki skattabreytingar sem hröktu þau úr landi.

NEI - það var HRUNIÐ SEM ÍHALD OG FRAMSÓKN komu til leiðar með góðri aðstoð vina og vandamanna flokkanna

Lýðræði og ógilding kosninga

Orri Vésteinsson fornleifafræðingur birtir á Lúgusvæði Eyjunnar stórmerkilegann pistil sem mér finnst full ástæða til að vekja athygli á sjá her undir fyrirsögninni Lýðræði og ógilding kosninga. Virkilega þörf lesning !!!

Allir sem "skipta máli" ???????????????

Vilhjálmur Egilsson, formaður Samtaka atvinnulífsins, segir í fréttum Stöðvar 2 að það sé komin sátt um fiskveiðistjórnunarkerfið sem allir sem „skipti máli“ séu sammála um.

Þessi yfirlýsing VE er með endemum. Þá skipti ég og mikill meirihluti þjóðarinnar ekki neinu máli. Þá veit maður það, en svo einfalt er þetta ekki Vilhjálmur. VIÐ SKIPTUM ÖLL MÁLI OG VIÐ VILJUM ÖLL NJÓTA ÁVAXTANNA AF AUÐLINDUM LANDS OG SJÁVAR - VIÐ SKIPTUM ÖLL MÁLI.

Hnignun heimsveldis BNA

Horfði á 60 mínútur í dag og þar var rætt við Bandaríkjamann sem lýsti handtöku á "hættulegasta" manni veraldar - vopnasölumanni sem hafði aðsetur í Moskvu.

Þessi "hættulegi" maður ógnaði herveldinu BNA með því að selja "hryðjuverkamönnum" vopn.

Vopn eru hættuleg hver sem á þeim heldur og það er skelfilegt að drepa fólk til að ná fram réttlætingu á einhveri kenningu.

Auðsöfnun fárra ógnar kjörum fjöldans hvort sem það er á Íslandi eða í BNA - í Egyptalandi eða Túnis. Þegar herkostnaður bætist svo við - er ekki von að neitt samfélag þoli slíka röskun til lengdar.

Ný Stjórnarskrá er forgangsmál !

Síðustu dagar hafa farið í að velta því fyrir sér fram og aftur af hverju og hvers vegna Hæstiréttur sá sig knúinn til að ógilda kosningar um Stjórnlagaþingið sem hefjast átti 15. febr. nk. Talað hefur verið um hver á að segja af sér - hvað þetta kostaði - er nauðsynlegt að endurskoða Stjórnarskrána. Margir hafa fengið útrás í að kenna hver öðrum um - tala niðrandi um stjórnmálamenn og þar fram eftir götunum.

Það sem mestu máli skiptir er að okkur íslendinga vantar nýja stjórnarskrá. Um það geta allir verið sammála og ekki í fyrsta sinn sem peningar hafa farið í vinnu við gerð hennar án nokkurs sýnilegs árangurs. Búið var að kjósa til Stjórnlagaþings en tiltekin atriði við framkvæmd kosninganna talin þess eðlis að dæma beri þær ógildar.

Þá er bara að hefja nýja vegferð og vanda sig betur. Landskjörstjórn sagði af sér og forysta stjórnmálafokkanna verið boðuð á fund eftir helgi. Er ekki nær að klára málið og fá nýja Stjórnarskrá, en að vera að eyða orku sinni í að skíta hvert annað út.

Sitthvað er Framsókn og Framsókn

Var að horfa á Kastljósið um Stjórnlagaþinskosninguna. Þar ræddi Helgi Seljan við Árna Þór Sigurðsson frá VG og Guðmund Steingrímsson framsóknarmann. Helgi reyndi eins og hann gat að fá þá félaga til að segja eitthvað mergjað. Árni var mjög faglegur eins og alltaf. Og Guðmundur - maður minn - í stað þess að hlusta á bullið í Sigmundi Davíð þá - kom loks frambærilegur stjórnmálamaður frá Framsókn með skynsamlega nálgun á málinu og ræddi um aðalatriðin í stað þess að þvæla um aukaatriði sem litlu skipta.

Í vasa launþegans!

Benedikt Jóhannsson er góður að reikna og það er vel - hann var að senda frá sér útreikning á því hvað launþegi fengi í eigin vasa þegar skattar og gjöld hafa verið dregin frá.

Hann dregur frá launatengd gjöld eins og tryggingargjald sem launagreiðandi borgar sjálfur og veitir rétt til atvinnuleysisbóta. Neysluskatta eins og virðisaukaskatt og gjöld af bifreiðum og eldsneyti.

ÞESSI GJÖLD ERU EKKI DREGIN AF LAUNUM FÓLKS - ÞAU ERU HLUTI AF NEYSLU ÞESS SEM ER ALLT ANNAÐ.

Þetta er einfaldlega blekking og ALLS EKKI RÉTT AÐ SETJA MÁLIÐ UPP MEÐ ÞESSUM HÆTTI.

 Hér er launaseðill reiknaður eftir samningum Starfsgreinasambandsins og Samtaka atvinnulífsins.

Heildarlaun	450.000,00 kr.		Frádráttur
		4% lífeyrissjóður	18.000,00 kr.
Laun til skatts	432.000,00 kr.
sk.þrep 1 - 37,31%	209.400,00 kr.	78.127,14 kr.
sk.þrep 2 - 40,21%	222.600,00 kr.	89.507,46 kr.
reikn. staðgreiðsla		167.634,60 kr.
persónuafsláttur		44.205,00 kr.
greidd staðgreiðsla			123.429,60 kr.
		1% félagsgjald	4.500,00 kr.
		2% séreignasp.	9.000,00 kr.
Frádráttur alls			141.429,60 kr.
Greidd laun			308.570,40 kr.
	Greidd laun	68,57%	308.565,00 kr.
	skattar og gjöld	31,43%	141.435,00 kr.

Dalabóndinn og ESB

Dalabóndinn Ásmundur Einar Daðason, nær því örugglega ekki að láta draga umsóknina um aðild að ESB til baka - nú er búið að samþykkja að sækja um styrk til ESB til að vinna 2 verkefni í landbúnaði í tengslum við samningaferlið - annað til að greina beingreiðslur og man ekki hvað hitt kallast - hið beeesta mál. Jón Bjarna er örugglega hoppandi núna - toppar kannski Gunnar Helga í Skaupinu

Þessar umsóknir fara í gegnum samninganefndina og eru nokkurskonar hjáleið þegar ráðherra eru með mótþróa.

Markmið þeirrar aðstoðar sem um ræðir er að gera "kandídatlönd" eins og Ísland betur undirbúin undir aðild, ef af verður. ESB krefur ekki styrki þessa til baka.

Nýtt ár

Árið 2011 er hafið og til þess ber ég nokkrar væntingar fyrir okkur íslendinga.

• Að ríkisstjórnin haldi velli og styrki stöðu sína með nýjum liðsauka. 
• Að ICESAVE samningurinn verði samþykktur á Alþingi og staðfestur af forsetanum.
• Að við fáum nýja stjórnarskrá til skoðunar og væntanlega samþykktar.
• Að fiskveiðistjórnunarkerfinu verði breytt og kvótinn innkallaður.
• Að aðildarviðræður við ESB gangi vel
• Að mótuð verði ný peningastefna verði mótuð og við náum að tengja krónuna við EVRUNA
• Að rannsókn sakamála úr fjármálakerfinu gangi vel og skili árangri.

Þetta eru nokkur atrið sem ég tel brýnt að náist á árinu. Gleðilegt ár!

Lítil saga af veiðferð sem aldrei var farin.

Árið 2005 vorum við hjónin með ferðabát og buðum m. a. uppá sjóstangaveiðar. Tveir veiðimenn gerðu pöntun, veiðidagurinn rann upp og gera þurfti nýju stangirnar klárar.  Ég fór út að erinda og bóndinn settist við eldhúsborðið með stangir, girni og öngla.

Norðan rokið herti með hverri mínútu og þegar ég kom til baka var komið nærri gufurok. Ég kom í eldhúsdyrnar og þá blasti við mér girni út um allt gólf og eiginmaðurinn í miðið. Ég var beðin að yfirgefa svæðið á meðan tekist var á við flækjurnar. Það tók dágóðan tíma en hafðist þó um síðir. Veiðimenn afþökkuðu túrinn vegna veðurs sem ekki var furða.

Annar þeirra var Ólafur Þór Hauksson, þá lítt þekktur sýslumaður á Akranesi. Þegar hann fór síðar að vinna við flækjurnar í fjármálakerfinu, var hann svo sannarlega með storminn í fangið og flækjusig á stærri kantinum. Margt er líkt með því og girninu á eldhúsgólfinu mínu og rokinu á Húnflóanum, daginn sem Ólafur ætlaði á sjóstöngina hér um árið.